VIDEO: नितीश रेड्डीचं कुटुंब झालं भावुक! आई आणि बहिणीच्या डोळ्यातही आनंदाश्रू; शतकाबाबत म्हणाले, “सर्वात मोठं गिफ्ट…”

नितीश रेड्डीच्या शतकाच्या वेळेस त्याचे वडिल आणि काक स्टेडियममध्ये उपस्थित होते. नितीशच्या प्रत्येक धावेवर त्याचे वडिल प्रार्थना करताना दिसले. नितीशने चौकार लगावत आपले शतक पूर्ण केले आणि त्याच्या वडिलांनी एकच जल्लोष केला आणि त्यांच्या डोळ्यातून आनंदाश्रू तरळले. यानंतर खराब प्रकाशामुळे तिसऱ्या दिवसाचा खेळ थांबवण्यात आला. यानंतर त्याच्या वडिलांनी उर्वरित कुटुंबाची भेट घेतली आणि सर्वच भावुक झालेले पाहायला मिळाले.

हेही वाचा – IND vs AUS: “मी टेन्शनमध्ये होतो, पण सिराजने…”, नितीश रेड्डीच्या वडिलांची लेकाच्या शतकावर पहिली प्रतिक्रिया, सिराजचा उल्लेख करत काय म्हणाले?

नितीशचे वडिल कुटुंबासह उभे असताना म्हणाले, “खूप वेगळी भावना आहे. आजचा दिवस खास आहे, नितीशचं पहिलं आंतरराष्ट्रीय शतक. खूप खूप जास्त आनंदी आहे.” नितीशच्या बहिणीने भावुक होत त्याच्या शतकाबाबत बोलताना म्हणाली, “खूप आनंदी आहोत, आज सर्व आम्ही इथे त्याचा सामना पाहायला आलो होतो आणि त्याने त्याचवेळेस त्याने शतक झळकावलं आहे, हे शब्दात सांगण्यासारखं नाही. बाबा या शतकासाठी खूप प्रार्थना करत होते.”

हेही वाचा – IND vs AUS: नितीश रेड्डीचं पहिलं कसोटी शतक! ऑस्ट्रेलियाच्या गोलंदाजांसमोर एकटा उभा ठाकला; वडिलांच्या डोळ्यातून आनंदाश्रू

विराट कोहली नितीश रेड्डीचा आदर्श आहे आणि त्याने नितीशच्या शतकावर उभं राहून त्याचं कौतुक केलं, यावर बोलताना त्याचे वडिल म्हणाले, विराट कोहलीने त्याला सांगितलं खूप कष्ट करायचे आहेत. यानंतर नितीशची आईदेखील भावुक झाली होती आणि तिनेही आनंद व्यक्त केला.