फ्रेंच ओपन : झुंजार त्सित्सिपासला नमवत लढवय्या जोकोव्हिचनं पटकावलं १९वं ग्रँडस्लॅम जेतेपद

राफेल नदाल, रॉजर फेडरर याआधीच स्पर्धेबाहेर झाल्याने जोकोव्हिचसाठी फ्रेंच ओपनचा अंतिम सामना सोपा जाईल असेल वाटत होते, मात्र, युवा त्सित्सिपासने त्याला बरेच थकवले. तब्बल चार तासांपेक्षा जास्त वेळ चाललेल्या सामन्यात त्सित्सिपासने झुंजार कामगिरीचे प्रदर्शन केले. सुरुवातीचे दोन सेट मोठ्या फरकाने जिंकल्यानंतर त्सित्सिपासचा आत्मविश्वास दुणावला होता. मात्र, जोकोव्हिचने तिसरा सेटमध्ये आक्रमक खेळ करत ६-३ असा सेट जिंकला. त्यानंतर पुढच्या दोन सेटमध्ये त्सित्सिपासने चुका केल्या, ज्याचा फायदा जोकोव्हिचने उचलला. अंतिम सामन्यात त्सित्सिपासने पुनरागमनाचा प्रयत्न केला, मात्र तोपर्यंत उशीर झाला.

Djokovic Jubilation @DjokerNole lands Grand Slam title No.19 and his second in Paris, defeating Tsitsipas 6-7(6), 2-6, 6-3, 6-2, 6-4.#RolandGarros pic.twitter.com/lsG64N0s9q

— Roland-Garros (@rolandgarros) June 13, 2021

What a tournament #RolandGarros | @DjokerNole pic.twitter.com/BJEXSR8xnj

— Roland-Garros (@rolandgarros) June 13, 2021

उपांत्य फेरीत जोकोव्हिचची नदालवर मात

लाल मातीच्या कोर्टवरील अनभिषिक्त सम्राट ही ख्याती असणारा राफेल नदाल आणि  नोव्हाक जोकोव्हिच यांच्यातील  उपांत्य लढत टेनिसरसिकांसाठी अत्युच्च दर्जाची मेजवानी ठरली होती. चाहत्यांना या दोघांमधील सामन्याद्वारे चार सेटमध्ये चार तास, ११ मिनिटे रंगलेला थरार अनुभवता आला. नदालविरुद्ध विजय म्हणजे जणू माऊंट एव्हरेस्ट शिखर सर केल्याचीच अनुभूती आहे, अशा शब्दांत जोकोव्हिचने विजयाचे विश्लेषण केले होते.

त्सित्सिपासचा पराक्रम

दुसरीकडे त्सित्सिपासने उपांत्य फेरीत जर्मनीच्या अलेंक्झांडर ज्वेरेवला हरवले होते. तब्बल पावणेचार तास रंगलेल्या सामन्यात त्सित्सिपासने ज्वेरेवला ६-३, ६-३, ४-६, ४-६, ६-३ अशी मात दिली होती. फ्रेंच ओपनच्या अंतिम सामन्यात पोहोचताच त्सित्सिपासने नवा विक्रम नोंदवला होता.

यापूर्वी जोकोव्हिच आणि त्सित्सिपास सात वेळा आमनेसामने आले होते, त्यात पाच वेळा जोकोव्हिचने तर त्सित्सिपासने दोन वेळा बाजी मारली होती.