भारत अ विरुद्ध दक्षिण आफ्रिका अ या संघांमधली ५ अनौपचारिक सामन्यांची मालिका नुकतीच संपली. या मालिकेत भारत अ संघाने ४-१ ने बाजी मारली. अखेरच्या वन-डे सामन्यात भारतीय संघाचा युवा यष्टीरक्षक संजू सॅमसनने धडाकेबाज खेळी करत सर्वांना आपली दखल घेण्यास भाग पाडलं. संजू सॅमसनने ४८ चेंडूत ९१ धावा तडकावल्या. त्याच्या या खेळीत ६ चौकार आणि ७ षटकारांचा समावेश होता. सॅमसनच्या या खेळीनंतर भारताचा अनुभवी फिरकीपटू हरभजन सिंहने सॅमसनच कौतुक करत, भारतीय संघात चौथ्या क्रमांकावर संजू योग्य पर्याय असल्याचं म्हटलं.
Why not @IamSanjuSamson at number 4 in odi.. with good technique and good head on his shoulders.. well played today anyways against SA A
— Harbhajan Turbanator (@harbhajan_singh) September 6, 2019
हरभजन सिंहच्या या मतावर गौतम गंभीरनेही आपलं मत देत, संजू आता चंद्रावरही फलंदाजी करु शकतो अशा शब्दात त्याचं कौतुक केलं.
Yes @harbhajan_singh on current form and his skills this Southern Star, @IamSanjuSamson can bat even on Moon’s South Pole!!! I wonder if they had space on Vikram to carry this marvel of a batsman. Well done Sanju on scoring 91 off 48 balls against South Africa A side. pic.twitter.com/MwTZj6JaWh
— Gautam Gambhir (@GautamGambhir) September 6, 2019
१५ सप्टेंबरपासून दक्षिण आफ्रिकेच्या भारत दौऱ्याला सुरुवात होणार आहे. या दौऱ्यात दोन्ही संघ ३ टी-२० आणि ३ कसोटी सामने खेळणार आहे. या दौऱ्यासाठी टी-२० भारतीय संघाची घोषणा करण्यात आली असून संजू सॅमसनला मात्र या संघात स्थान देण्यात आलेलं नाहीये.
अवश्य वाचा – संजू सॅमसनचं आदर्शवत पाऊल, सामन्याचं मानधन दिलं मैदानातील कर्मचाऱ्यांना दान