New Zealand vs Bangladesh ODI World Cup 2023 Match Score in Marathi: एकदिवसीय विश्वचषक २०२३ मधीव ११व्या सामन्यात न्यूझीलंडचा सामना बांगलादेशशी होत आहे. दोन्ही संघांमधील हा सामना चेन्नईच्या एम.ए. चिदंबरम स्टेडियमवर खेळला जात आहे. न्यूझीलंडचा कर्णधार केन विल्यमसनने नाणेफेक जिंकून गोलंदाजी करण्याचा निर्णय घेतला. विल्यमसन प्रथमच विश्वचषक स्पर्धेत खेळत आहे. या सामन्यात बांगलादेशने प्रथम फलंदाजी करताना ५० षटकांत ९ बाद २४५ धावा केल्या आणि न्यूझीलंडसमोर २४६ धावांचे लक्ष्य ठेवले आहे.

बांगलादेशने उभारली सन्मानजनक धावसंख्या –

विकेट्स सतत पडत असतानाही ५० षटकांत ९ गडी गमावून २४५ धावा केल्या. बांगलादेशकडून अनुभवी फलंदाज मुशफिकुर रहीमने सर्वाधिक ६६ धावा केल्या. अनुभवी खेळाडू महमुदुल्लाहने नाबाद ४१ आणि कर्णधार शकीब अल हसनने ४० धावा केल्या. न्यूझीलंडकडून लॉकी फर्ग्युसनने तीन, ट्रेंट बोल्ट आणि मॅट हेन्रीने प्रत्येकी दोन गडी बाद केले.

हेही वाचा – IND vs PAK, World Cup 2023: भारत-पाकिस्तान हाय व्होल्टेज सामन्यासाठी दोन्ही संघांचे चाहतेही सज्ज; तयारी करतानाचा VIDEO व्हायरल

लॉकी फर्ग्युसनने केली शानदार कामगिरी –

बांगलादेशविरुद्ध न्यूझीलंडकडून लॉकी फर्ग्युसन हा सर्वात यशस्वी गोलंदाज ठरला. वेगवान गोलंदाजाने १० षटके टाकली आणि सर्वाधिक तीन विकेट्स घेतल्या. ज्यामध्ये तनजी हसन, मेहदी हसन मेराज आणि कर्णधार शकीब अल हसन यांचा समावेश होता. फर्ग्युसनशिवाय ट्रेंट बोल्ट आणि मॅट हेन्री यांनी प्रत्येकी दोन, तर मॅट हेन्री, मिचेल सँटनर आणि ग्लेन फिलिप्स यांनी प्रत्येकी एक विकेट घेतली.

ट्रेंट बोल्टच्या २०० विकेट्स टप्पा पूर्ण –

या सामन्यादरम्यान किवी वेगवान गोलंदाज ट्रेंट बोल्टने विशेष कामगिरी केली. वनडेमध्ये २०० विकेट घेणारा तो न्यूझीलंडचा पाचवा गोलंदाज ठरला आहे. किवी संघाकडून वन डेमध्ये सर्वाधिक विकेट घेण्याचा विक्रम डॅनियल व्हिटोरीच्या नावावर आहे. व्हिटोरीने न्यूझीलंडसाठी २९१ सामन्यांत २९७ विकेट्स घेतल्या आहेत.

Story img Loader