प्रत्येक सामना जिंकू शकत नाही, पराभवाचा इतका विचार करु नका – चहल

अवश्य वाचा – BLOG : या पराभवाची संघाला गरज होती !

मात्र या पराभवाचा भारतीय संघावर फारसा परिणाम झालेला दिसत नाहीये. फिरकीपटू युजवेंद्र चहलने या पराभवाचा इतका विचार करु नका असं वक्तव्य केलं आहे. “गेल्या ४-५ वर्षांचा इतिहास पाहिला तर हा आमचा चौथा किंवा पाचवा मालिका पराभव होता. प्रतिस्पर्धी संघही खेळण्यासाठीच मैदानात उतरतो, त्यामुळे तुम्ही प्रत्येक सामना जिंकू शकत नाही. आम्ही एक मालिका जिंकलो आणि एक हरलो, त्यामुळे या पराभवाचा इतका गांभीर्याने विचार करण्याची गरज नाही”, सामना संपल्यानंतर झालेल्या पत्रकार परिषदेत चहल बोलत होता.

पृथ्वी आणि मयांकला पहिल्यांदाच वन-डे संघात संधी मिळाली होती. नवोदीत खेळाडूंना न्यूझीलंडसारख्या देशात खेळणं हे सोपं नसतं. पण हा फक्त वन-डे मालिकेतला पराभव आहे, आम्ही टी-२० मालिकेत निर्भेळ यश संपादन केलं आहे. आमच्यासाठी ही सकारात्मक गोष्ट आहे, चहल संघाच्या कामगिरीविषयी बोलत होता. वन-डे मालिकेनंतर भारत आणि न्यूझीलंड २१ तारखेपासून कसोटी मालिका खेळणार आहे.