Olympic 2024 Table Tennis Star Manika Batra Makes History: भारताची अनुभवी खेळाडू मनिका बत्राने ऑलिम्पिक टेबल टेनिस स्पर्धेतील सर्वाेत्तम ३२ च्या सामन्यामध्ये फ्रान्सच्या १२व्या मानांकित प्रितिका पावडेचा सरळ गेममध्ये पराभव केला. राष्ट्रकुल चॅम्पियन आणि १८व्या मानांकित मनिकाने ३७ मिनिटे चाललेल्या सामन्यात ११-९, ११-६, ११-९, १-७ असा विजय मिळवला. या विजसालह मनिका बत्राने ऐतिहासिक विजय मिळवत भारतासाठी ही कामगिरी करणारी पहिला भारतीय महिला खेळाडू ठरली आहे.
olympic 2024: मनिका बत्राने रचला इतिहास
ऑलिम्पिक टेबल टेनिसच्या सर्वाेत्तम १६ मध्ये पोहोचणारी मनिका बत्रा ही पहिली भारतीय खेळाडू ठरली. मनिकाला पहिल्या गेममध्ये डावखुऱ्या खेळाडूशी जुळवून घेण्यात अडचण आली आणि हा सामना अगदी अटीतटीचा झाला. मनिकाने शेवटचे तीन गुण आपल्या नावे करत ११-९ ने पहिला सेट जिंकला. दुसऱ्या गेमच्या सुरुवातीलाही सामना खूपच बरोबरीत सुरू झाला, ६-६ अशी बरोबरी झाल्यानंतर मनिकाने प्रितिकाला कोणतीही संधी दिली नाही आणि तिने ११-६ ने विजय मिळवला. भारतीय खेळाडूने दुसऱ्या गेमची गती कायम ठेवली आणि तिसऱ्या गेममध्ये पाच गुणांची आघाडी घेतली परंतु प्रितिकाने सलग चार गुण मिळवत स्कोअर ९-१० असा केला.
हेही वाचा – Paris Olympic 2024 Live, Day 4: भारताला दुसरं ऑलिम्पिक पदक, मनू भाकेर-सरबज्योतच्या जोडीची कमाल
दबावाखाली खेळताना प्रितिकाने नेटवर चेंडू खेळला आणि मनिकाने हा गेम ११-९ असा जिंकला. मनिकाने चौथ्या गेममध्ये ६-२ अशी आघाडी घेत चांगली सुरूवात केली आणि सहा मॅच पॉइंट मिळवले. प्रितिकाला तीन मॅच पॉइंट वाचवण्यात यश आले आणि एक पॉईंट मिळवत तिने सामना जिंकला. उपउपांत्यपूर्व फेरीत मनिकाचा सामना आठव्या मानांकित जपानच्या हिरोनो मियू आणि हाँगकाँगच्या झू चेंगझू यांच्यातील विजेत्याशी होईल.
मनिका बत्राने कॉमनवेल्थ गेम्स आणि आशियाई गेम्समध्ये पदके जिंकली होती. मनिकानेही पॅरिस ऑलिम्पिकमध्ये आतापर्यंत चमकदार कामगिरी करत पदक जिंकण्याच्या भारताच्या आशा उंचावल्या आहेत. मनिकाच्या शानदार विजयामुळे भारताच्या अव्वल मानांकित श्रीजा अकुला हिलाही प्रोत्साहन मिळेल आणि तिला बुधवारी विजयाची नोंद करून पुढील फेरीत प्रवेश करण्यासाठी प्रेरणा मिळेल.
