राष्ट्रकुल स्पर्धा २०१८ – भारतीय पथकाचं नेतृत्व पी. व्ही. सिंधूकडे

४ एप्रिलपासून ऑस्ट्रेलियाच्या गोल्ड कोस्ट येथे रंगणाऱ्या राष्ट्रकुल क्रीडा स्पर्धांमध्ये भारतीय पथकाचं नेतृत्व बॅडमिंटनपटू पी. व्ही. सिंधूकडे देण्यात आलेलं आहे. सुरुवातीच्या दिवशी रंगणाऱ्या स्वागत सोहळ्यात सिंधू पथसंचलनात भारतीय पथकाचं नेतृत्व करणार आहे. भारतीय ऑलिम्पिक संघटनेने यासंदर्भातली अधिकृत घोषणा केली आहे. गेल्या वर्षभरातील सिंधूची जागतिक बॅडमिंटनमधील कामगिरी पाहता ऑलिम्पिक संघटनेने सायना नेहवाल, मेरी कोम यांसारख्या सिनीअर खेळाडूंना वगळून सिंधूला हा बहुमान दिला आहे.