आंतरराष्ट्रीय क्रिकेटमधून निवृत्ती घेतलेला पाकिस्तानचा माजी क्रिकेटपटू शाहिद आफ्रिदी, सध्या Global T-20 Canada स्पर्धेत खेळत आहे. Brampton Wolves संघाकडून खेळत असताना आफ्रिदीने ४० चेंडूत ८१ धावांची खेळी केली. आफ्रिदीच्या या खेळीच्या जोरावर Brampton Wolves संघाने Edmonton Royals संघावर २७ धावांनी मात केली. मात्र या सामन्यानंतर आफ्रिदी त्याच्या आक्रमक फलंदाजीऐवजी एका वेगळ्या कारणामुळे सोशल मीडियावर चर्चेचा विषय बनला आहे.

फलंदाजीदरम्यान अखेरचा चेंडू खेळत असताना, आफ्रिदीने फटका खेळून एक धाव काढली. यादरम्यान नॉन स्ट्राईक एंडवर उभ्या असलेल्या वहाब रियाझने आफ्रिदीला आणखी एक धाव काढायची का असं विचारलं असता, आफ्रिदीने आपल्या मजेशीर शैलीत त्याला उत्तर दिलं आहे. हा व्हिडीओ सध्या सोशल मीडियावर व्हायरल होतोय.

शाहिद आफ्रिदीने आपल्या खेळीत १० चौकार आणि ५ षटकार लगावले.