PAK vs ENG: इंग्लडने ‘घर मे घुसके मारा’! ३-० ने पाकिस्तानचा कसोटी मालिकेत लाजिरवाणा पराभव

घरच्या मैदानावर तीन कसोटी सामन्यांच्या मालिकेत पाकिस्तानला ३-० असा पराभव पत्करावा लागण्याची ही पहिलीच वेळ आहे. इंग्लंडच्या १८ वर्षीय रेहान अहमदने (५/४८) शानदार गोलंदाजी केल्यामुळे पाकिस्तानचा डाव २१६ धावांत आटोपला आणि इंग्लंडने विजयासाठी १६७ धावांचे लक्ष्य ठेवले. त्यानंतर बेन डकेटने ५० धावा केल्या आणि ७८ चेंडूत ८२ धावा करून नाबाद राहिला. त्याच्यासोबत कर्णधार बेन स्टोक्स ३५ धावांवर नाबाद राहिला. अशाप्रकारे इंग्लंडने एका दिवसापेक्षा जास्त दिवस शिल्लक असताना सलग दुसरा कसोटी सामना जिंकला.

पाकिस्तानचा फिरकी गोलंदाज अबरार अहमदने दोन कसोटीत १८ विकेट्स घेतल्या होत्या पण जेव्हा इंग्लंडचे लक्ष्य १९ धावांनी कमी होते तेव्हा आगा सलमानने स्टोक्सला त्याच्या चेंडूवर बाद केले. इंग्लंडने रावळपिंडी येथे पहिल्या कसोटीत ७४ धावांनी विजय मिळवला होता, तर मुलतानमधील दुसरी कसोटी २४ धावांनी जिंकून अभेद्य आघाडी घेतली होती.

नॅशनल स्टेडियम हा पाकिस्तानचा बालेकिल्ला मानला जातो पण रेहान बटने तिसर्‍या दिवशी दमदार गोलंदाजी केली तर जॉक क्रॉलीने (४१) डकेटने धडाकेबाज सुरुवात केली आणि तिसऱ्या दिवसाचा खेळ संपला तेव्हा इंग्लंडने २ बाद ११२ धावांपर्यंत मजल मारली. याच स्टेडियमवर खेळल्या गेलेल्या ४५ कसोटी सामन्यांमधला हा पाकिस्तानचा तिसरा पराभव होता आणि गेल्या १५ वर्षांतील पहिला पराभव होता. २००० मध्ये येथे कसोटी सामन्यात पाकिस्तानला पराभूत करणारा इंग्लंड हा पहिला संघ होता. नॅशनल स्टेडियमवर सात वर्षांनंतर दक्षिण आफ्रिकेने विजय मिळवला. पाकिस्तानने घरच्या भूमीवर सलग चौथा कसोटी सामना गमावला. तत्पूर्वी, दोन कसोटी सामन्यांच्या मालिकेतील शेवटच्या सामन्यात ऑस्ट्रेलियाने त्यांचा पराभव करत मालिका १-० अशी जिंकली होती.

पाकिस्तानने पहिल्या डावात ३०४ धावा केल्या होत्या, त्याला प्रत्युत्तरात इंग्लंडने ३५४ धावा केल्या आणि पहिल्या डावात ५० धावांची आघाडी घेतली. त्यांच्या आक्रमक पध्दतीमुळे इंग्लंडने मालिकेत क्लीनअप केले. त्याचा फलंदाज हॅरी ब्रूकने तिन्ही कसोटी सामन्यांमध्ये शतके झळकावली. त्याने तीन सामन्यांत ४६८ धावा केल्या आणि त्याला मालिकेतील सर्वोत्तम खेळाडू म्हणून गौरविण्यात आले.

कसोटीतील विक्रम

पाकिस्तानला त्यांच्याच घरी कसोटीत व्हाईट वॉश देणारा इंग्लंड हा पहिलाच संघ ठरला. बाबर आजम हा घरच्या मैदानावर व्हाईट वॉश स्वीकारणारा पहिलाच पाकिस्तानी कर्णधार ठरला. १९६२ ते १९९५ या कालावधीत पाकिस्तानने घरच्या मैदानावर ८५ कसोटींपैकी ४ कसोटी गमावल्या होत्या. ३३ वर्षानंतर पाकिस्तानने मागील ९ महिन्यांत घरच्या मैदानावर सलग चार कसोटी सामने गमावले.

हेही वाचा: FIFA World Cup: विश्वचषक जिंकूनही अर्जेंटिना बनला नाही फुटबॉलचा ‘किंग’, अजूनही ब्राझील पहिल्या स्थानावर

इंग्लडविरुद्धच्या मालिकेपूर्वी पाकिस्तानचा संघ जागतिक कसोटी अजिंक्यपद स्पर्धेत भारताच्या पुढे म्हणजेच तिसऱ्या स्थानावर होता आणि आता तो श्रीलंकेच्या मागे म्हणजेच सातव्या स्थानावर फेकला गेलाय. भारताच्या अंतिम फेरीच्या मार्गातील एक अडथळा दूर झाला. पाकिस्तान घरच्या मैदानावर प्रथमच सलग चार कसोटी सामने पराभूत झाला.. यापूर्वी १९५९मध्ये पाकिस्तानने घरी सलग तीन कसोटी सामने गमावले होते.