PAK vs NZ New Zealand Scores 320 Runs vs Pakistan in Champions Trophy Opener with Second 300 plus total

PAK vs NZ Champions Trophy: न्यूझीलंडने चॅम्पियन्स ट्रॉफीच्या पहिल्याच सामन्यात ३०० अधिक धावांचा टप्पा गाठला आणि पाकिस्तानची धुलाई केली.

न्यूझीलंडने उभारला धावांचा डोंगर (फोटो-आयसीसी, ब्लॅककॅप्स)

PAK vs NZ Champions Trophy Updates in Marathi: पाकिस्तान वि न्यूझीलंड यांच्यात चॅम्पियन्स ट्रॉफी २०२५ मधील पहिलाच सामना खेळवला जात आहे. या पहिल्याच सामन्यात न्यूझीलंडे दणक्यात पुनरागमन करत ३०० अधिक धावांचा टप्पा गाठला. पाकिस्तानने नाणेफेक जिंकत प्रथम गोलंदाजी करण्याचा निर्णय घेतला. पाकिस्तानने सुरूवात चांगली करत झटपट तीन विकेट्स घेतले. पण न्यूझीलंडच्या मधल्या फळीने पाकिस्तानची झोप उडवली.

न्यूझीलंडने प्रथम फलंदाजी करताना ५० षटकांत ५ बाद ३२० धावा केल्या आहेत. यामध्ये सलामीवीर विल यंग, टॉम लॅथम यांनी दणदणीत शतकं झळकावली. तर ग्लेन फिलिप्स वादळी अर्धशतकी खेळी करत संघाची धावसंख्या ३०० पार नेण्यात मदत केली. १५ षटकांत १०० धावाही न केलेल्या न्यूझीलंडने ५० षटतकं पूर्ण होईपर्यंत ३०० धावा करत पाकिस्तानच्या गोलंदाजांची धुलाई केली. न्यूझीलंडने आयसीसी चॅम्पियन्स ट्रॉफीच्या इतिहासात पाकिस्तानविरूद्ध दुसऱ्यांदा ३०० अधिक धावांचा टप्पा गाठला आहे.

न्यूझीलंड संघाला सामन्याच्या सुरूवातीलाच दोन धक्के बसले. तर पाकिस्तानचे गोलंदाजही किवी संघाला सहज धावा करू देत नव्हते. डेव्हॉन कॉन्वे १० धावा करत आठव्या षटकात तर केन विल्यमसन १ धाव करत नवव्या षटकात झेलबाद झाला. तर काही वेळातच डॅरिल मिशेलही झेलबाद झाला. अशारितीने न्यूझीलंडने ७३ धावांमध्येच ३ विकेट्स गमावले. किवी संघ २० षटकं झाली तरी १०० धावांचा टप्पा गाठू शकला नव्हता.

हेही वाचा

अमेरिकेने मोडला भारताचा ४० वर्षे जुना वर्ल्ड रेकॉर्ड! वनडे क्रिकेटच्या इतिहासात पहिल्यांदाच केली अशी कामगिरी

यानंतर विल यंग आणि टॉम लॅथम या दोघांनी संघाचा डाव उचलून धरला. विल यंगने ११३ चेंडूत १२ चौकार आणि एका षटकारासह १०७ धावांची खेळी करत चॅम्पियन्स ट्रॉफी २०२५ मधील पहिलं शतक झळकावलं. तर टॉम लॅथम शेवटपर्यंत नाबाद राहिला. त्याने १०४ चेंजूत १० चौकार आणि ३ षटकारांसह ११८ धावांची वादळी खेळी केली. याशिवाय ग्लेन फिलिप्सने ३९ चेंडूत ३ चौकार आणि ४ षटकारांसह ६१ धावा केल्या. टॉम लॅथमने ग्लेन फिलिप्स आणि विल यंगसह प्रत्येकी १०० धावांची भागीदारी रचली. यासह संघाने ५ षटकांत ३२० धावा केल्या.

हेही वाचा

पाकिस्तानच्या बाबर आझमला मागे टाकत शुबमन गिल ठरला नंबर वन बॅटर; ICC नं जाहीर केली ताजी आकडेवारी!

Pakistan are set a target of 321 in the opening match of ICC #ChampionsTrophy ?#PAKvNZ | #WeHaveWeWill pic.twitter.com/zZQcdVuU4B
— Pakistan Cricket (@TheRealPCB) February 19, 2025

पाकिस्तानकडून नसीम शाह आणि हॅरिस रौफ यांनी प्रत्येकी २ विकेट्स घेतल्या. तर अबरार अहमदने १ विकेट घेत संघाला ब्रेकथ्रू मिळवत दिला. १० षटकांमध्ये हॅरिस रौफने सर्वाधिक ८३ धावा दिल्या.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pak vs nz new zealand scores 320 runs vs pakistan in champions trophy opener with second 300 plus total bdg