धक्कादायक..! पाकिस्तान संघाच्या ३ क्रिकेटपटूंना करोनाची लागण

मात्र, पीसीबीने या खेळाडूंच्या नावांची माहिती दिलेली नाही, ज्यांची चाचणी पॉझिटिव्ह आली आहे, त्यांना आता १० दिवस कडक आयसोलेशनमध्ये राहावे लागणार आहे. क्वारंटाइन पुढील महिन्यात ६ नोव्हेंबर रोजी संपेल. कोविड-१९ प्रोटोकॉल अंतर्गत, टीमच्या उर्वरित सदस्यांना २ नोव्हेंबरपर्यंत आयसोलेशनमध्ये ठेवण्यात आले आहे. या खेळाडूंना प्रत्येक दिवशी एक चाचणी द्यावी लागेल. शिबिरासाठी तयार करण्यात आलेल्या बायो-बबलमध्ये प्रवेश करण्यापूर्वी मे महिन्यात प्रत्येकाचे करोना लसीकरण करण्यात आले.

हेही वाचा – पाकिस्तानची मोठी खेळी..! भारताला वर्ल्डकप जिंकवून देणाऱ्या ‘दिग्गजाला’ आपल्या ताफ्यात घेणार

वेस्ट इंडिजचा महिला संघ एकदिवसीय मालिकेसाठी पाकिस्तान दौऱ्यावर जाणार आहे. दोन्ही संघ ८ ते १४ नोव्हेंबर दरम्यान तीन एकदिवसीय सामने खेळणार आहेत. कराचीतील नॅशनल स्टेडियमवर सामने खेळवले जातील. यापूर्वी पाकिस्तानने वेस्ट इंडिजमध्ये तीन टी-२० आणि पाच एकदिवसीय सामने खेळले होते. पाकिस्तानचा पुरुष संघ टी-२० विश्वचषक स्पर्धेसाठी यूएईमध्ये आहे.