Preethi Pal Creates History with 2nd Medal in Paris Paralympics 2024: भारताची युवा ॲथलीट प्रीती पाल हिने रविवारी इतिहास घडवला. प्रीतीने पॅरालिम्पिक स्पर्धेत २०० मीटरच्या T35 प्रकारात देशासाठी कांस्यपदक जिंकले. पॅरिस पॅरालिम्पिकमधील प्रितीचे हे दुसरे पदक आहे. यापूर्वी तिने २०० मीटरमध्येही कांस्यपदक जिंकले होते. प्रितीने ३०.०१ सेकंदाची वेळ नोंदवत आपली सर्वोत्तम कामगिरी केली. यासह भारताच्या पदकांची संख्या आता सात झाली आहे. याआधी भारताने नेमबाजीत चार तर ॲथलेटिक्समध्ये दोन पदकं जिंकले आहेत.
पॅरालिम्पिकमध्ये ट्रॅक आणि फील्डमध्ये दोन पदके जिंकणारी ती पहिली भारतीय महिला खेळाडू ठरली आहे. २०० मी. शर्यतीतील सुवर्ण आणि रौप्य पदकं चीनच्या खेळाडूंनी जिंकली. चीनच्या जिया झाऊने २८.१५ सेकंद वेळेसह सुवर्ण आणि झोउ कियानक्वानने २९.०९ सेकंद वेळेसह रौप्यपदक जिंकले. आहे. हायपरटोनिया, ऍटॅक्सिया आणि ऍथेटोसिस सारख्या समन्वय विकारांनी ग्रस्त असलेले खेळाडू T35 श्रेणीत भाग घेतात.
भारताचे पंतप्रधान नरेंद्र मोदी यांनी प्रिती पाल हिचे अभिनंदन केले. त्यांनी लिहिले, ‘प्रीती पाल यांनी इतिहास घडवला. २०२४ च्या पॅरालिम्पिकमध्ये तिने दुसरे पदक जिंकले. २०० मीटर T35 स्पर्धेत तिने कांस्यपदक जिंकले. त्या भारतातील लोकांसाठी प्रेरणास्थान आहेत.
पाचव्या दिवशी पदकांची संख्या वाढण्याची खात्री
पॅरिस पॅरालिम्पिकचा पाचवा दिवस भारतासाठी खूप खास असणार आहे, ज्यामध्ये पदकांची संख्या आणखी वाढणार आहे. बॅडमिंटनमध्ये सुहास यथीराज आणि नितीश कुमार वेगवेगळ्या प्रकारात पुरुष एकेरीत सुवर्णपदकाचा सामना खेळतील. याशिवाय भालाफेकीत सुमित अंतिल अंतिम फेरीत ॲक्शन मध्ये दिसणार आहे. तिरंदाजीमध्ये, शीतल देवी आणि राकेश कुमार मिश्र कंपाउंड स्पर्धेची उपांत्यपूर्व फेरीतील सामना खेळतील.
© IE Online Media Services (P) Ltd