उपखंडातीलच नव्हे तर जगभरातील चाहत्यांना आयपीएलशी जोडण्याकरिता पाकिस्तानी क्रिकेटपटूंनी आयपीएलमध्ये परतण्याची हीच योग्य संधी आहे, असे पाकिस्तानचा माजी कर्णधार वासिम अक्रमला वाटते.
‘‘भारत आणि पाकिस्तानचे क्रिकेटपटू एकमेकांविरुद्ध किंवा एकत्र खेळतात, तेव्हा अनेक चाहते स्टेडियमकडे आकर्षित होतात. संयुक्त अरब अमिरातीसारख्या देशात आयपीएलला चाहत्यांचा प्रचंड पाठिंबा मिळेल. पाकिस्तानमध्ये भरपूर गुणवत्ता असल्यामुळे भविष्यात पाकिस्तानी क्रिकेटपटूंनाही आयपीएलमध्ये खेळण्याची संधी मिळेल, अशी आशा आहे. सईद अजमल, उमर अकमल, उमर गुल आणि शाहीद आफ्रिदीसारख्या खेळाडूंचा खेळ पाहण्यासाठी चाहतेही हजेरी लावतील,’’ असे कोलकाता नाइट रायडर्सचा गोलंदाजी प्रशिक्षक असलेल्या अक्रमने सांगितले.