IND vs PAK: पाकिस्तानच्या सामन्यात प्रिन्स येतोय! अफगाणिस्तान सामन्यानंतर इशान किशनने दिले संकेत; म्हणाला, “शुबमन बरा असून पुढच्या…”

इशान किशनने शुबमन गिलबाबत मोठे अपडेट

इशान किशनने स्टार स्पोर्ट्सशी बोलताना शुबमन गिलच्या तब्येतीबाबत मोठे अपडेट दिले. तो म्हणाला, “सध्या वैद्यकीय पथकाच्या देखरेखीखाली आहे. प्लेटलेट कमी झाल्यामुळे त्याला नुकतेच रुग्णालयात दाखल करण्यात आले होते. मात्र, आता तो लवकरच पाकिस्तानविरुद्धच्या पुनरागमन करू शकतो. तो खूप फिटनेसकडे लक्ष देणारा असल्याने त्याची तब्येत झपाट्याने सुधारत आहे. मी तुम्हा सर्वांना सांगू इच्छितो की, राहुल द्रविड आमचे कोच आणि रोहितभाई त्याच्या संपर्कात आहोत. शुबमन बरा होत असून पुढच्या सामन्यात खेळणार का नाही यावर संघ व्यवस्थापन विचार करत आहे.”

हेही वाचा: IND vs AFG: …अखेर घोडं गंगेत न्हालं! कोहली-नवीनची दिलजमाई, कॉमेंट्रीला गंभीरची उपस्थिती; पाहा Video

मीडिया रिपोर्ट्सनुसार, गिल अहमदाबादमध्ये भारतीय संघात सामील होणार आहे. अशा परिस्थितीत तो पाकिस्तानविरुद्धच्या सामन्यात खेळण्याची शक्यता आहे. पण गिलसमोर मोठे आव्हान असेल ते मॅच फिट होण्याचे. मात्र, पाकिस्तानविरुद्धच्या सामन्यात तो खेळण्याची शक्यता कायम आहे.

शुबमन पाकिस्तानविरुद्धचा सामना खेळणार?

बीसीसीआयच्या एका वरिष्ठ अधिकाऱ्याने सांगितले की, “शुबमन गिलला तंदुरुस्त होण्यासाठी आणि मॅच फिटनेस परत मिळवण्यासाठी पूर्ण वेळ दिला जाईल. यावेळी त्याच्याजागी बदली खेळाडू शोधण्याचा किंवा चर्चा करण्याचा कोणताही विचार नाही कारण व्यवस्थापन त्याला संघातील एक महत्त्वाचा सदस्य मानत आहे. शुबमनच्या तब्येतीत सुधारणा हो असल्याने लवकरच तो पुनरागमन करेल.”

हेही वाचा: IND vs PAK: भारत-पाकिस्तान सामना पाहण्यासाठी अमिताभ-रजनीकांत अन् सचिन राहणार उपस्थित; अहमदाबादमध्ये रंगणार रंगारंग सोहळा

टीम इंडियाचे सलामीवीर म्हणाला, “शुबमन आजारातून बरा होत आहेत. खबरदारीचा उपाय म्हणून त्याला रुग्णालयात दाखल करण्यात आले होते. तो हॉटेलमध्ये परतला आहे. तो वैद्यकीय पथकाच्या निरीक्षणाखाली आहे. तो लवकरच बरा होऊन संघात सामील होईल. संघाबरोबर तो अहमदाबाद रवाना देखील होणार आहे.” भारत आणि पाकिस्तान यांच्यातील हा सामना १४ ऑक्टोबर रोजी होणार आहे.