Prithvi Shaw Knee Injury : पृथ्वी शॉच्या झंझावाती फलंदाजी लागला ब्रेक, दुखापतीमुळे कौंटी क्रिकेट स्पर्धेतून पडला बाहेर

टीम इंडियाचा सलामीवीर पृथ्वी शॉला रविवारी डरहमविरुद्धच्या वनडेमध्ये क्षेत्ररक्षण करताना गुडघ्याला दुखापत झाली. तो यापुढे काउंटीमध्ये नॉर्थहॅम्प्टनशायरकडून खेळणार नाही. कौंटी संघाने जारी केलेल्या निवेदनानुसार, स्कॅनच्या निकालांवरून दुखापत अपेक्षेपेक्षा जास्त गंभीर असल्याचे दिसून आले आहे. शॉ सध्या बीसीसीआयच्या वैद्यकीय पथकाच्या संपर्कात असून शुक्रवारी तो लंडनमध्ये एका तज्ज्ञाला भेटणार आहे.

आणखी वाचा

ENG vs WI: वेस्ट इंडिजचा इंग्लंडवर ऐतिहासिक विजय! संथ सुरूवातीनंतर षटकारांचा पाऊस, कॅरेबियन संघाने मोडला ७ वर्षे जुना विक्रम

Nana Patole : निकालाआधी राजकीय घडामोडींना वेग; यातच…

Shubman Gill : ऑस्ट्रेलियाविरुद्धच्या पर्थ कसोटीतून शुबमन गिल बाहेर? पहिल्या सामन्यापूर्वीच भारताची वाढली डोकेदुखी

IND vs AUS: भारताला पर्थ कसोटीपूर्वी मोठा धक्का, केएल राहुलला सराव सामन्यात दुखापत, सोडावं लागलं मैदान!

Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद

Prithvi Shaw: पृथ्वी शॉचा वाढदिवसाच्या पार्टीत ‘तांबडी चामडी’ गाण्यावर भन्नाट डान्स, सोशल मीडियावर होतोय ट्रोल, VIDEO व्हायरल

Jos Buttler : जोस बटलरने मारला वर्षातील सर्वात लांब षटकार, चेंडू स्टेडियमच्या बाहेर गेल्याने गोलंदाजासह चाहतेही अवाक्, VIDEO व्हायरल

एका निवेदनात नॉर्थम्प्टनशायरचे मुख्य प्रशिक्षक जॉन सॅडलर म्हणाले की, “पृथ्वीने त्याच्या छोट्या कार्यकाळात आम्हाला खूप प्रभावित केले आहे. यापुढे तो स्पर्धेत आमच्यासोबत नसणे, हे अत्यंत दुर्दैवी आहे. तो एक नम्र माणूस आहे आणि नॉर्थॅम्प्टनशायरचे प्रतिनिधित्व करण्याच्या संधीबद्दल खूप कृतज्ञ आहे.”

हेही वाचा – ODI World Cup 2023 : विश्वचषकापूर्वी इंग्लंड संघाला मोठा धक्का! ‘हा’ प्रमुख खेळाडू संघातून झाला बाहेर

विशेष म्हणजे, वनडे कप २०२३ मध्ये पृथ्वी शॉ सध्या धावा करण्यात आघाडीवर आहे. त्याने ४ सामन्यात ४२९ धावा केल्या आहेत. यादरम्यान ४९ चौकार आणि १९ षटकार मारले आहेत. पृथ्वीचा स्ट्राइक रेट १५२.६७ चा राहीला आहे. सर्वाधिक शतके ठोकण्याच्या बाबतीतही तो अव्वल आहे. पृथ्वीने २ शतके झळकावली आहेत. पृथ्वीने सॉमरसेटविरुद्ध झंझावाती द्विशतक झळकावले होते. त्याने १५३ चेंडूत २४४ धावा केल्या होत्या. त्याच्या या खेळीत २८ चौकार आणि ११ षटकारांचा समावेश होता.

हेही वाचा – World Cup 2023: विश्वचषक सामन्यांच्या तिकिटांसाठी नोंदणी प्रक्रिया सुरू, जाणून घ्या काय आहे संपूर्ण प्रक्रिया?

पृथ्वी शॉ बऱ्याच दिवसांपासून टीम इंडियातून बाहेर आहे. जुलै २०२१ मध्ये तो भारताकडून शेवटचा सामना खेळला होता. पृथ्वीने डिसेंबर २०२२ मध्ये ऑस्ट्रेलियाविरुद्ध शेवटचा कसोटी सामना खेळला होता. यानंतर तो टीम इंडियात पुनरागमन करू शकला नाही. पृथ्वीने त्याच्या फॉर्मबाबत बराच काळ संघर्ष केला. पण एकदिवसीय चषकात तो फॉर्मात दिसला होता. त्याने द्विशतकही झळकावले होते. मात्र, तो फॉर्ममध्ये परतल्यावर दुखापतीने त्याचा त्रास वाढवला. आता तो एकदिवसीय चषकातून बाहेर पडला आहे.