Swiggy, FreeCharge कंपन्यांवर पृथ्वी शॉचा एक कोटीचा दावा

इकॉनॉमिक टाइम्स या वृत्तपत्राने दिलेल्या माहितीनुसार, दोन्ही कंपन्यांनी परवानगी न घेता पृथ्वीचं नाव स्वतःची जाहीरात करण्यासाठी वापरलं. पृथ्वीच्या कार्यक्रमांचं नियोजन व अन्य बाबी सांभाळण्याचे हक्क हे Basline Ventures कंपनीकडे आहेत. दोन्ही कंपन्यांनी केलेला हा प्रकार अतिशय दुर्दैवी असून, पृथ्वीने केलेल्या कामगिरीचा हा वापर केल्यासारखं आहे. याचसोबत भविष्यात पृथ्वीला अन्य कंपन्यांकडून प्रायोजकत्व मिळालं तर त्यावेळी असे प्रकार त्याच्यासाठी मारक ठरु शकतात. यासाठी आम्ही दोन्ही कंपन्ययांवर कायदेशीर कारवाई करणार असल्याचं Basline Ventures चे महाव्यवस्थापक तुहीन मिश्रा यांनी इकॉनॉमिक टाइम्स शी बोलताना सांगितलं.

या प्रकरणात Swiggy कंपनीच्या प्रवक्त्यांशी संवाद साधला असता, त्यांनी आपल्याला नोटीस प्राप्त झाली असल्याचं मान्य केलं आहे. यावर काय पावलं उचलावीत यासाठी कंपनी कायदेशीर सल्ला घेत असल्याचं Swiggy च्या प्रवक्त्यांनी स्पष्ट केलं आहे. पृथ्वी शॉ आणि Basline Ventures या कंपनीमध्ये 2017 साली करार झाला होता. या करारानुसार पृथ्वी शॉचे देशातील व परदेशातील सर्व कार्यक्रम सांभाळण्याचे हक्क Basline Ventures कंपनीकडे आहेत.

Congratulations #PrithviShaw on your lightning-fast debut! pic.twitter.com/Rmg7P2XANl

— Swiggy (@swiggy_in) October 4, 2018