घरच्या मैदानावर दमदार कामगिरीने प्रभावित करणाऱ्या यू मुंबा संघाने कोलकाताच्या मैदानावरही विजयी परंपरा कायम राखली. यू मुंबाने बंगाल टायगर्सवर ३८-२९ अशी मात केली. यू मुंबातर्फे अनुप कुमारने चढाई करताना १४ गुण पटकावत या विजयात महत्त्वाची भूमिका बजावली. शबीर बापू शरफुधीनने ८ गुण मिळवत अनुपला चांगली साथ दिली. बंगालच्या संघातून खेळणाऱ्या कोरियाच्या जंग कुन ली या चढाईपटूला रोखण्यासाठी अचूक डावपेच आखत यू मुंबाने बाजी मारली. बंगाल टायगर्सतर्फे नितीन मदनेने १३ गुणांसह शानदार प्रयत्न केले. या दणदणीत विजयासह यू मुंबा संघाचे २३ गुण झाले आहेत आणि त्यांनी गुणतालिकेत भक्कम आघाडी घेतली आहे.
अभिषेक बच्चन सहमालक असलेल्या जयपूर पिंक पँथर्स संघाने प्रो-कबड्डी लीग स्पर्धेत सलग दुसरा विजय मिळवत आगेकूच केली. पँथर्स संघाने पाटणा पायरेट्सचा ४०-१८ असा धुव्वा उडवला. मनिंदर सिंगने चढाई करताना १३ गुणांसह जयपूरच्या विजयात निर्णायक भूमिका बजावली. मनिंदरलाच सामन्यातील सर्वोत्तम चढाईपटू पुरस्काराने गौरवण्यात आले. जयपूरने मध्यंतराला २२-६ अशी आघाडी घेतली. ही आघाडी सातत्याने वाढवत त्यांनी शानदार विजय मिळवला. राजेश नरवालने सहा गुण मिळवत मनिंदरला चांगली साथ दिला. या विजयासह जयपूरचे तीन सामन्यात १० गुण झाले असून पाटणाकडे सहा गुण आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
