पाटण्याने दिल्लीला बरोबरीत रोखले

पूर्वार्धात ११-२१ अशा पिछाडीवर पडलेल्या पाटणा पायरट्सने राकेश कुमारच्या शेवटच्या चढाईतील गुणाच्या जोरावर दबंग दिल्ली संघाला ३०-३० असे बरोबरीत रोखले व प्रो-कबड्डी लीगमधील आव्हान राखले. जयपूर पिंक पँथर्स संघानेही पूर्वार्धातील १६-२० अशा पिछाडीवरून तेलुगू टायटन्सला ४९-२९ असे सहज हरविले. दिल्लीने पाटण्याविरुद्ध २१-११ अशी आघाडी घेतली होती. त्या वेळी हा सामना ते एकतर्फीजिंकणार असे वाटले होते. तथापि, उत्तरार्धात सामन्याचा रंग पालटवित पाटण्याच्या खेळाडूंनी जिद्दीने खेळ केला. शेवटच्या मिनिटाला राकेश कुमारने सामना बरोबरीत ठेवला.