Pro Kabaddi Season 6 : घरच्या मैदानावर हरयाणा स्टिलर्सचा विजयी श्रीगणेशा

मोनू गोयत आणि कुलदीप सिंह या खेळाडूंनी पहिल्या सत्रापासून सामन्यावर आपलं वर्चस्व कायम राखलं. आक्रमक चढाया करत दोन्ही खेळाडूंनी गुजरातच्या बचावफळीमध्ये खळबळ माजवली. मोनू आणि कुलदीप यांनी चढाईत 7 गुणांची कमाई केली. यांना नवीन व इतर बचावपटूंनीही तितकीच मोलाची साथ दिली. गुजरातकडून प्रपंजन आणि सचिन तवंर यांनी चढाईत चांगल्या गुणांची कमाई केली. मात्र आजच्या सामन्यात गुजरातची बचावफळी पुरती अपयशी ठरली. याचा फायदा घेत हरयाणाने सामन्यावर आपलं वर्चस्व कायम राखत 32-25 अशा विजयावर शिक्कामोर्तब केलं.