Pro Kabaddi Season 6 : पाटणा पायरेट्सचा अष्टपैलू खेळ, जयपूर पिंक पँथर्स पराभूत

कर्णधार प्रदीप नरवालला आज युवा चढाईपटू मनजीतने चांगली साथ दिली. प्रदीपने सामन्यात ११ तर मनजीतने १० गुणांची कमाई केली. जयपूरच्या बचावफळीला खिंडार पाडत दोन्ही खेळाडूंनी पाटण्यासाठी काही चांगले गुण कमावले. महत्वाची गोष्ट म्हणजे पाटण्याच्या बचावपटूंनीही आज आपल्या चढाईपटूंना चांगली साथ दिली. विकास काळेने बचावफळीत ५ गुण मिळवले.

जयपूर पिंक पँथर्सकडून कर्णधार अनुप कुमार, दीपक निवास हुडाने चढाईत आश्वासक खेळ केला. दोन्ही खेळाडूंनी प्रत्येकी ८-८ गुणांची कमाई केली. मात्र जयपूरची बचावफळी आजच्या सामन्यात पुरती निष्रभ ठरली. पाटण्याच्या एकाही महत्वाच्या खेळाडूवर नियंत्रण ठेवणं जयपूरच्या बचावपटूंना जमलं नाही. त्यामुळे या ढिसाळ बचावाचा फायदा घेत पाटण्याने सामन्यात बाजी मारली.