Pro Kabaddi Season 6 : तेलगू टायटन्सच्या राहुल चौधरीची घौडदौड सुरुच

प्रो-कबड्डीच्या सहाव्या पर्वात तेलगू टायटन्स संघाचा महत्वाचा खेळाडू राहुल चौधरीने विक्रमी कामगिरी करण्याचा धडाका सुरुच ठेवला आहे. मंगळवारी झालेल्या सामन्यात तेलगू टायटन्सला यू मुम्बाकडून पराभवाचा धक्का सहन करावा लागला, मात्र या सामन्यात राहुलने प्रो-कबड्डीच्या इतिहासात चढाईमध्ये ७०० गुणांचा टप्पा पार केला. अशी कामगिरी करणारा राहुल पहिलाच खेळाडू ठरला आहे. आपल्या ८४ व्या सामन्यात राहुलने ही विक्रमी कामगिरी केली आहे.