कोल्हापूरचा मराठमोळा कबड्डीपटू सिद्धार्थ देसाईने सातव्या हंगामात लिलावाच्या पहिल्या दिवशी आपली छाप पाडली आहे. पहिल्याच प्रयत्नात ३० लाखांच्या मूळ किमतीवरुन सिद्धार्थने १ कोटी ४५ लाखांची बोली घेत पहिल्या दिवसातला सर्वात महागडा खेळाडू ठरण्याचा मान पकटाकवला आहे. तेलगू टायटन्सने १ कोटी रुपयांची बोली लावल्यानंतर तामिळ थलायवाज आणि तेलगू टायटन्स संघात संघर्ष पहायला मिळाला. मात्र तेलगू टायटन्सने १ कोटी ४५ लाखांच्या बोलीवर सिद्धार्थला आपल्या संघात कायम राखण्यात यश मिळवलं. यू मुम्बाकडे ‘फायनल बिड टू मॅच’ कार्डाद्वारे सिद्धार्थला आपल्या संघात कायम राखण्याची संधी होती. मात्र इथेही यू मुम्बाने सिद्धार्थला आपल्या संघात कायम राखण्यात स्वारस्य न दाखवल्यामुळे सिद्धार्थ देसाईचं तेलगू टायटन्सकडून खेळणं निश्चीत झालं आहे.
पहिल्या सत्रात इराणच्या खेळाडूंनी लिलावामध्ये बाजी मारली. इराणचा बचावपटू अबुझार मेघानीने सातव्या हंगामात पहिल्यांदा लिलावाचा नारळ फोडला. अबुझारला आपल्या संघात दाखल करुन घेण्यासाठी पाटणा पायरेट्स संघ प्रयत्नशील दिसला. मात्र तेलगू टायटन्सने बिड टू मॅच कार्डाद्वारे ७५ लाखांची बोली लावत अबुझारला आपल्या संघात कायम राखलं आहे. यानंतर कोरियाचा आक्रमक चढाईपटू यंदाच्या हंगामात ४० लाखांच्या बोलीवर पाटणा पायरेट्स संघाकडून खेळताना दिसणार आहे. हादी ओश्तनोक आणि मोहसीन या खेळाडूंना अनुक्रमे पाटणा आणि यूपी योद्धा संघाने आपल्या ताफ्यात दाखल करुन घेतलं.
यानंतर इराणचा अष्टपैलू मोहम्मद इस्माईल नबीबक्षसाठी संघमालकांमध्ये चांगलीच चढाओढ झालेली पहायला मिळाली. सुरुवातीपासून यू मुम्बा, पाटणा पायरेट्स संघ नबीबक्षला आपल्या संघात दाखल करुन घेण्यासाठी उत्सुक होते. यानंतर तेलगू टायटन्स आणि बंगाल वॉरियर्स लिलावात उडी घेत रंगत वाढवली. अखेरीस ७७.७५ लाखांच्या बोलीवर बंगाल वॉरियर्सने नबीबक्षला आपल्या संघात दाखल करुन घेतलं आहे.
कोणत्याही संघमालकाने काशिवर बोली लावायला रस दाखवलेला नाही
तुषार पाटीलवरही कोणीही बोली लावली नाही
नवीन हंगामात निलेश जयपूरकडून खेळणार
संघमालकांचा आश्चर्यकारक कौल
नवीन हंगामात बंगाल वॉरियर्सकडून खेळणार
कोरावीवर गुजरातची ३०.५ लाखांची बोली
विशालवर २८.५ लाखांची बोली
कोणत्याही संघमालकाने सचिनवर बोली लावायला नकार दिलाय
मोहीत छिल्लर नवीन हंगामात तामिळ थलायवाज संघाकडून खेळणार
श्रीकांतवर ६८ लाखांची बोली
प्रशांतवर ७७ लाखांची बोली
फायनल बिड टू मॅच कार्डाद्वारे यूपी योद्धाची रिशांकवर ६१ लाखांची बोली
नवीन हंगामात तामिळ थलायवाज संघाकडून खेळणार
मोनूवर ९३ लाखांची बोली
पुणेरी पलटणने १ कोटी २० लाखांच्या बोलीवर नितीनला आपल्या संघात दाखल करुन घेतलं आहे
तेलगू टायटन्स संघाकडून सिद्धार्थसाठी १ कोटी ४५ लाखांची बोली
रणजितवर ७० लाखांची बोली
अमितवर जयपूरची ५३ लाखांची बोली
तेलगू टायटन्सने फायनल बिड टू मॅच कार्डाद्वारे विशालला पुन्हा आपल्या संघात घेतलंय
फायनल बिड टू मॅच कार्डाद्वारे परवेश पुन्हा गुजरातच्या संघात
मात्र फायनल बिड टू मॅच कार्डाद्वारे महेंद्र पुन्हा बंगळुरुच्या संघात
मात्र फायनल बिड टू मॅच कार्डाद्वारे पाटण्याने जयदीपला आपल्या संघात कायम राखलं
पुण्याच्या संघात आणखी एक भक्कम खेळाडू
फायनल बिड टू मॅच कार्डाद्वारे गिरीशवर ३३ लाखांची बोली
सुरिंदर नाडावर ७७ लाखांची बोली
फायनल बिड टू मॅच कार्डाद्वारे दिल्लीने ६१ लाखांची बोली लावत पेहलला संघात घेतलंय
संदीपवर यू मुम्बाची ८९ लाखांची बोली
रण सिंहवर ५५ लाखांची बोली
अमेरिकेचा डी. जेनिंग्स १० लाखांच्या बोलीवर तेलगू टायटन्स संघाकडे
कोरियाचा डाँग क्यु किम १० लाखांच्या बोलीवर जयपूर पिंक पँथर्स संघाकडे
मोहम्मद करीम १० लाखांच्या बोलीवर यूपी योद्धा संघाकडे
अबुझलवर गुजरातची १५.७५ लाखांची बोली
मुम्बाने डाँग जिऑन ली वर २५ लाखांची बोली लावली आहे
मग्शदुलूवर पाटण्याची ३५ लाखांची बोली
यंग चाँग को १० लाखांच्या बोलीवर यू मुम्बा संघाकडे
मिलतवर १० लाखांची बोली
१० लाखांच्या बोलीवर हादी पुण्याच्या संघात
संजयवर बंगळुरुकडून १० तर दिल्लीची सईदवर १६.५ लाखांची बोली
अखेर ७७.७५ लाखांच्या बोलीवर मोहम्मद इस्माईल नबीबक्ष बंगाल वॉरियर्स संघाकडे
पाटण्याकडून हादीवर १६ लाखांची बोली
मोहसीन २१ लाखांच्या बोलीवर यूपी योद्धा संघाकडे
पाटण्याकडून जँग कून ली वर ४० लाखांची बोली
मात्र बिड टू मॅच कार्डाद्वारे तेलगू टायटन्सने अबुझारला आपल्या संघात दाखल करुन घेतलं आहे