सध्याच्या टी-२० विश्वचषकात पाकिस्तानचा संघ चांगली कामगिरी करत आहे. मात्र मैदानाबाहेर मोठा गोंधळ सुरू आहे. अलीकडेच माजी क्रिकेटर शोएब अख्तर आणि अँकर नौमान नियाज यांच्यात एका लाइव्ह टीव्ही शोमध्ये झालेल्या भांडणानंतर सरकारी टीव्ही चॅनल पाकिस्तान टीव्हीने (PTV) मोठी कारवाई केली आहे. चौकशी पूर्ण होईपर्यंत चॅनलने दोघांचे तात्पुरते निलंबन केले आहे, म्हणजेच हे दोघे सध्या कोणत्याही पीटीव्ही शोमध्ये दिसणार नाहीत. असे असले तरी अपमानानंतर शोएब अख्तरने आधीच राजीनामा दिला होता.
जिओ टीव्हीच्या म्हणण्यानुसार, पीटीव्हीने याबाबत एक निवेदन जारी केले आहे. तपास पूर्ण होईपर्यंत अख्तर किंवा नौमन नियाज दोघेही पीटीव्हीच्या शोमध्ये सहभागी होऊ शकणार नाहीत, असे त्यात नमूद करण्यात आले आहे. चौकशी समितीने या दोघांनाही तूर्तास पदावरून हटवण्याची शिफारस केल्याचे बोलले जात आहे. चौकशी समितीच्या बैठकीत इम्रान खानचे मंत्रीही उपस्थित होते, असे बोलले जात आहे.
चौकशी समितीने नौमन नियाज यांना चौकशीसाठी बोलावले होते. या समितीने शोएब अख्तरलाही बोलावले होते. मात्र बोलावण्याऐवजी समितीने व्हिडिओ पाहावा, असे सांगून त्याने जाण्यास नकार दिला. अख्तर-नियाजच्या भांडणाचा व्हिडिओ सोशल मीडियावर व्हायरल झाला आहे. यानंतर शोएबने तात्काळ शो सोडण्याचा निर्णय घेतला.
हेही वाचा – IPL 2022 : नव्या संघाला मिळणार ‘मुंबईकर’ कप्तान..! ‘या’ कारणामुळं सोडणार जुना संघ
नक्की काय झाले?
शोएब अख्तरला सर व्हिव्हियन रिचर्ड्स आणि डेव्हिड गॉवर सारख्या जागतिक क्रिकेट महान व्यक्तींसोबत पीटीव्हीने टी-२० विश्वचषकातील पाकिस्तान क्रिकेट संघाच्या कामगिरीवर चर्चा करण्यासाठी आमंत्रित केले होते. राष्ट्रीय संघात शाहीन आफ्रिदी आणि हारिस रौफच्या वाढीची चर्चा सुरू असताना, अख्तरला अँकर नौमान नियाज यांनी अडवले.
व्यत्यय आल्याने अख्तर नाराज झाला आणि त्याने असंतोष व्यक्त केल्यामुळे, होस्टने त्याला हवे असल्यास शो मधेच सोडण्याची ऑफर दिली. “तुम्ही थोडे उद्धट आहात आणि मला हे सांगायचे नाही: पण जर तुम्ही जास्त अतिहुशार असाल तर तुम्ही जाऊ शकता. मी हे ऑन एअर सांगत आहे,” नियाजने अख्तरला हे सुनावले. त्यानंतरची ही व्हिडीओ क्लिप सोशल मीडियावर व्हायरल झाली आहे.
