लाल मातीवर नदाल पराभूत

‘लाल मातीचा बादशाह’ अशी बिरूदावली पटकावणाऱ्या राफेल नदालला रिओ खुल्या टेनिस स्पर्धेच्या लाल मातीवरच अनपेक्षित पराभवाला सामोरे जावे लागले. क्ले कोर्टवर सलग ५२ उपांत्य फेरीत विजयाची परंपरा खंडित झाली आहे. इटलीच्या फॅबिओ फॉगनिनीने १४ ग्रँडस्लॅम विजेत्या नदालवर ६-२, ७-५ असा विजय मिळवला. अंतिम फेरीत त्याचा मुकाबला स्पेनच्या डेव्हिड फेररशी होणार आहे. फेररने ऑस्ट्रियाच्या आंद्रेस हैदर-म्युररचा ७-५, ६-१ असा पराभव केला.