VIDEO : किती तो राग..! अंपायरनं फेटाळलं LBWचं अपील; मग भारताच्या राहुल चहरनं केलं ‘असं’ वर्तन!

चहरचे प्रतिस्पर्धी संघाच्या फलंदाजाचे पायचीतचे अपील केले. त्याचे अपील पंचांनी फेटाळले, त्यानंतर चहरने पंचांशी वाद झाला. पंचांच्या निर्णयावर चहर नाराज झाला आणि त्याने रागाच्या भरात आपला सनग्लासेस खाली फेकला.

हेही वाचा – IND vs NZ : अजून एक मुंबईकर..! श्रेयस अय्यरचं पदार्पणात कसोटी शतक; याआधी सर्वांच्या लाडक्या हिटमॅननं…

चहरचा हा व्हिडिओ सोशल मीडियावर चांगलाच व्हायरल होत आहे. ही घटना दक्षिण आफ्रिका अ संघाच्या १२८व्या षटकातील शेवटच्या चेंडूवर घडली. खेळाच्या दुसऱ्या दिवशी यष्टीरक्षक फलंदाज सिंथेम्बा क्वेशिले स्ट्राइकवर होता.

भारताकडून पहिल्या डावात वेगवान गोलंदाज नवदीप सैनी आणि अर्जन नागासवाला यांनी दोन बळी घेतले, तर भारताचा वेगवान गोलंदाज उमरान मलिकने एक विकेट घेतली. तिसऱ्या दिवसाचा खेळ संपला तेव्हा भारतीय संघाने ४ बाद ३०८ धावा केल्या होत्या. पृथ्वी शॉने ४५ चेंडूत ४८ धावा केल्या तर पांचाळने ९६ धावांचे योगदान दिले. अभिमन्यू ईश्वरनने १०३ धावा केल्या. भारत अ संघ अजूनही २०१ धावांनी मागे आहे.