श्रेयस गोपाळमुळे ‘बुमराह, हरभजन आणि अश्विन’ राजस्थानच्या संघात!

बंगळुरुविरुद्धच्या सामन्यापूर्वी राजस्थानचा फिरकीपटू श्रेयस गोपाळनं बुमराह, हरभजन आणि अश्विनच्या गोलंदाजीची नक्कल केली. सर्वात आधी गोपाळनं जसप्रीत बुमराहच्या गोलंदाजीची नक्कल केली. त्यानंतर आर. अश्विन आणि हरभजनच्या गोलंदाजीची नक्कल केली. राजस्थाननं या प्रत्येक अॅक्शनचं नामकरणही केलं आहे. जसप्रीत गोपाळ, रविचंद्रन गोपाळ आणि हरभजन गोपाळ असं नाव दिलं आहे.

हा व्हिडिओ जसप्रीत बुमराहलाही दाखवल्याचं श्रेयस व्हिडिओच्या शेवटी सांगत आहे. त्यावेळी बुमराहनं माझ्यापेक्षा चांगली नक्कल करतो असं सांगितलं, असं श्रेयस व्हिडिओच्या शेवटी सांगत आहे.

IPL 2021: केकेआरचा कर्णधार ईऑन मॉर्गनला दंड

श्रेयसला या आयपीएल स्पर्धेत पंजाबविरुद्ध खेळण्याची संधी मिळाली होती. त्याने ३ षटकात ४० धावा दिल्या आणि एकही गडी बाद करू शकला नाही. हा सामना राजस्थानच्या संघाला ४ धावांनी गमावावा लागला होता. त्यानंतर झालेल्या दिल्ली आणि चेन्नईविरुद्धच्या सामन्यात त्याला संधी देण्यात आली नव्हती. आता बंगळुरु विरुद्धच्या सामन्यात त्याला संधी मिळते का? याकडे क्रीडाप्रेमींचं लक्ष लागून आहे.