मुंबई रणजी प्रशिक्षकपदासाठी रमेश पोवारचा अर्ज

भारताचा माजी फिरकीपटू रमेश पोवर याने मुंबई संघाच्या रणजी प्रशिक्षकपदासाठी आपला अर्ज दाखल केला आहे. पीटीआयशी बोलत असताला रमेशने खुद्द या वृत्ताला दुजोरा दिलेला आहे. स्थानिक क्रिकेटमध्ये मुंबईचं प्रतिनिधीत्व केलेल्या रमेश पोवारच्या नावावर ६ कसोटी तर ३४ वन-डे बळी जमा आहेत. याआधी रमेश पोवारने मुंबई क्रिकेट असोसिएशनच्या इनडोअर क्रिकेट अकादमीच्या प्रशिक्षकपदाचा राजीनामा दिला होता. मुंबईचे माजी प्रशिक्षक समीर दिेघे यांनी आपला कार्यकाळ संपल्यानंतर राजीनामा दिल्याने मुंबईच्या प्रशिक्षकपदाची जागा सध्या रिक्त आहे.