रणजी क्रिकेट स्पर्धा : अजय रोहेराने मोडला मुंबईकर अमोल मुजुमदारचा विक्रम

अजय या खेळीमुळे प्रथम श्रेणी क्रिकेटमधील पदार्पणात सर्वाधिक धावा करणारा क्रिकेटपटू बनला. या आधी हा विक्रम मुंबईच्या अमोल मुजुमदार याच्या नावावर होता. अमोलने १९९४ मध्ये पदार्पणात हरियाणाविरुद्ध २६० धावा केल्या होत्या. अजयने या खेळीदरम्यान ३४५ चेंडूं खेळले आणि नाबाद २६७ धावा काढल्या. त्याच्या या खेळीत त्याने २१ चौकार व ५ षट्कार खेचले.

दरम्यान, या खेळीच्या जोरावर मध्य प्रदेशने हैदराबादविरुद्ध चार बाद ५६२ धावांचा डोंगर उभा केला. त्यानंतर मध्य प्रदेशच्या गोलंदाजांनी हैदराबादचा दुसरा डाव १८५ धावांत गुंडाळत आणि संघाला १ डाव २५३ धावांनी विजय मिळवून दिला.