प्रथमश्रेणी क्रिकेटमध्ये पृथ्वीच्या शतकांचा चौकार

मागच्या हंगामात पृथ्वी शॉने रणजी करंडक स्पर्धेत मुंबईसाठी पदार्पण केलं. यानंतर भारत ‘अ’ आणि अध्यक्षीय संघामध्येही पृथ्वीने चमकदार कामगिरी करत सर्वांना आपली दखल घ्यायला भाग पाडलं होतं. आपल्या पहिल्या रणजी सामन्यात शतक झळकावल्यानंतर पृथ्वीने यंदाच्या दुलीप करंडकातही पहिल्याच सामन्यात शतकी खेळी केली होती.

भारताच्या १९ वर्षाखालील संघाच्या इंग्लंड दौऱ्यात पृथ्वी शॉने आश्वासक कामगिरी केली होती. मात्र यानंतर निवड समितीने पृथ्वीला रणजी करंडक स्पर्धेत खेळण्याचा सल्ला देत, आशिया चषक स्पर्धेत इतर खेळाडूंना संघात जागा दिली. त्यामुळे निवड समितीने दिलेल्या या सल्ल्याचा पृथ्वीला चांगलाच फायदा झालेला दिसतोय.