Ranji Trophy 2024 Final, Mumbai Vs Vidarbha : मुंबईतील वानखेडे स्टेडियमवर ४१ वेळची चॅम्पियन मुंबई आणि दोन वेळचा चॅम्पियन विदर्भ यांच्यात रणजी ट्रॉफीचा जेतेपदाचा सामना खेळला जात आहे. विदर्भाचा कर्णधार अक्षय वाडकरने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करताना मुंबईने पहिल्या डावात २२४ धावा केल्या. प्रत्युत्तरात विदर्भाचा पहिला डाव दुसऱ्या दिवशी ४३.५ षटकांत १०५ धावांवर गारद झाला. त्यामुळे मुंबई पहिल्या डावाच्या जोरावर ११९ धावांची आघाडी घेतली. मुंबईकडून धवल कुलकर्णी, तुषार देशपांडे आणि तनुष यांनी प्रतेकी ३ विकेट्स घेतल्या.

विदर्भाचा पहिला डाव –

आज विदर्भाने तीन गड्यांच्या मोबदल्यात ३१ धावांवर खेळण्यास सुरुवात केली आणि पहिला धक्का अथर्व तायडेच्या रूपाने बसला. धवल कुलकर्णीने त्याला पॅव्हेलियनमध्ये पाठवले. अथर्वला २३ धावा करता आल्या. यानंतर शम्स मुलाणीची शानदार गोलंदाजडी पाहायला मिळाली. त्याने आदित्य ठाकरे आणि अक्षय वाडकरला पॅव्हेलियनमध्ये पाठवले. आदित्यला १९ तर ​​अक्षयला पाच धावा करता आल्या. यानंतर हर्ष दुबे (१), यश राठोड (२७) आणि यश ठाकुर (१६) बाद झाला. यानंतर उमेश यादव शेवटच्या विकेट्सच्या रुपाने बाद झाला. त्याला तनुषने बाद केले.

आणखी वाचा
Vijay Hazare Trophy Maharashtra Haryana Karnataka and Vidarbha qualify for the semi finals 2024-25
Vijay Hazare Trophy : महाराष्ट्रासह ‘या’ चार संघांनी उपांत्य फेरीत मारली धडक! जाणून घ्या संपूर्ण वेळापत्रक
bjp ravindra chavan
Ravindra Chavan : ‘उपरा’ डोंबिवलीकर ते भाजप प्रदेश…
IND W vs IRE W Jemimah Rodrigues century helps Indian womens team register highest ODI score against Ireland
IND W vs IRE W : जेमिमा रॉड्रिग्जच्या पहिल्यावहिल्या शतकाच्या जोरावर भारताने घडवला इतिहास, केला ‘हा’ खास पराक्रम
Loksatta anvyarth Gautam Gambhir India lose in Test series
अन्वयार्थ: खरेच ‘गंभीर’ आहोत?
Border-Gavaskar Trophy Test series Team India defeat australia jasprit bumrah virat kohli rohit sharma
विश्लेषण : बॉर्डर-गावस्कर कसोटी मालिकेत टीम इंडियाच्या पराभवास कारणीभूत ठरले हे सहा घटक…
Pat Cummins becomes first bowler toTake record 200 WTC wickets in History IND vs AUS Sydney
IND vs AUS: पॅट कमिन्सचा वर्ल्ड रेकॉर्ड, WTC च्या इतिहासात ‘ही’ कामगिरी करणारा पहिलाच गोलंदाज
IND vs AUS 5th Test Australia need 162 runs win Sydney Test
IND vs AUS : बोलंडच्या दमदार गोलंदाजीसमोर पंतचे अर्धशतक पडले फिके, ऑस्ट्रेलियाला विजयासाठी मिळाले १६२ धावांचे लक्ष्य
Yashasvi Jaiswal First Indian Batter To Score 16 Runs in 1st Over of the innings IND vs AUS
IND vs AUS: यशस्वी जैस्वालने सिडनी कसोटीत रचला नवा विक्रम, भारताच्या कसोटी इतिहासात कोणालाही जमला नाही असा पराक्रम

मुंबईचा पहिला डाव –

नाणेफेक गमावून प्रथम फलंदाजीला आलेल्या मुंबईसाठी सलामीवीर पृथ्वी शॉ आणि भूपेन ललवानी यांनी पहिल्या विकेटसाठी ८१ धावांची भागीदारी केली. यश ठाकूरने ही भागीदारी तोडली. यानंतर हर्ष दुबेने पृथ्वीला क्लीन बोल्ड केले. या दोन विकेट्सनंतर विकेट्सची झुंबड उडाली. मुशीर खान सहा धावा करून बाद झाला. यानंतर कर्णधार रहाणे आणि श्रेयस अय्यर सात धावा करून बाद झाले. हार्दिक तामोरे पाच आणि शम्स मुलानी १३ धावा करून बाद झाला.

हेही वाचा – WPL 2024 : हातातोंडाशी आलेला विजयाचा घास हिरावल्याने रिचा घोषला अश्रू अनावर, VIDEO होतोय व्हायरल

अष्टपैलू शार्दुल ठाकूरने झळकावले अर्धशतक –

यानंतर अष्टपैलू शार्दुल ठाकूरने ३७ चेंडूत ६ चौकार आणि २ षटकारांच्या मदतीने अर्धशतक झळकावले. शार्दुलने १३१.५८ च्या स्ट्राईक रेटने फलंदाजी करताना हे अर्धशतक पूर्ण केले. तनुष कोटियन आठ धावा करून बाद झाला तर तुषार देशपांडे १४ धावा करून बाद झाला. अशाप्रकारे मुंबईचा डाव २२४ धावांवर आटोपला. विदर्भाकडून हर्ष दुबे आणि यश ठाकूर यांनी प्रत्येकी तीन बळी घेतले. तर उमेश यादवने दोन गडी बाद केले. आदित्य ठाकरेने एक विकेट घेतली.

Story img Loader