रणजी करंडक क्रिकेट स्पर्धा: मुंबईकडून ओडिशाचा डावाने धुव्वा

मुंबईने यंदाच्या हंगामाची सुरुवात पराभवाने केली होती. बडोद्याने मुंबईला हा धक्का दिला होता. त्यानंतरच्या तीन सामन्यांत मात्र मुंबईला गुण कमावण्यात यश आले आहे. विशेषत: वांद्रे-कुर्ला संकुल येथील ‘एमसीए’ शरद पवार क्रिकेट अकादमी या आपल्या घरच्या मैदानावर झालेले दोनही सामने मुंबईने जिंकले आहेत. या मैदानावर मुंबईने याआधी पारंपरिक प्रतिस्पर्धी महाराष्ट्राला नमवले होते. त्या वेळी धावांचा पाठलाग करताना एक गडी गमावल्याने मुंबईच्या हातून बोनस गुण निसटला होता. मात्र, पुन्हा हीच चूक ओडिशाविरुद्ध होणार नाही याची मुंबईने काळजी घेतली.

नक्की वाचा

अपयशानंतर स्वत:च्याच क्षमतेवर प्रश्न! कर्णधार, प्रशिक्षकांच्या पाठिंब्यामुळे बळ; विक्रमवीर सॅमसनची भावना

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

निराशाजनक पराभवामुळे आव्हान खडतर! विजय निसटल्याची महाराष्ट्राचे प्रशिक्षक सुलक्षण कुलकर्णी यांना खंत

Ind vs Aus: भारताविरुद्ध ऑस्ट्रेलियाने दिली ‘या’ नव्या खेळाडूला संधी; पर्थ कसोटीसाठी केला संघ जाहीर

Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

Sanju Samson : ‘कारकीर्दीत बरेच चढ-उतार आले, पण…’, शतकी खेळीनंतर संजू सॅमसनने ‘या’ दोन माणसांचे मानले आभार

डोनाल्ड ट्रम्प यांच्या विजयानंतर अमेरिकेतील महिलांचा लैंगिक संबंधास नकार; कारण काय? काय आहे 4B चळवळ?

Ruturaj Gaikwad: “अपील करायला लाज वाटली पाहिजे…”, ऑस्ट्रेलियातून महाराष्ट्रासाठी धावून आला ऋतुराज गायकवाड, रणजीमधील कॅचचा व्हीडिओ केला शेअर

हेही वाचा >>>Sanju Samson : ‘कारकीर्दीत बरेच चढ-उतार आले, पण…’, शतकी खेळीनंतर संजू सॅमसनने ‘या’ दोन माणसांचे मानले आभार

अनुभवी फिरकीपटू मुलानीने पहिल्या डावात पाच, तर दुसऱ्या डावात सहा असे एकूण ११ गडी बाद केले. त्यामुळे त्याला सामनावीराचा पुरस्कार मिळाला. मुलानीला उंचपुरा ऑफ-स्पिनर हिमांशूची मोलाची साथ लाभली. त्याने दोन डावांत मिळून सात बळी मिळवले.

मुंबईने पहिल्या डावात ६०२ धावांचा डोंगर उभारून विजयाच्या दिशेने भक्कम पाऊल टाकले होते. श्रेयस अय्यर (२३३ धावा), सिद्धेश लाड (नाबाद १६९), अंगक्रिश रघुवंशी (९२) आणि सूर्यांश शेडगे (नाबाद ७९) यांनी उत्कृष्ट फलंदाजी केली. याच्या प्रत्युत्तरात ओडिशाचा पहिला डाव २८५ धावांत आटोपल्याने त्यांना मुंबईने ‘फॉलोऑन’ दिला. त्यानंतर तिसऱ्या दिवसअखेर ओडिशाची ५ बाद १२६ अशी स्थिती होती. चौथ्या दिवशी ओडिशाच्या फलंदाजांनी साधारण दोन तास प्रतिकार करत मुंबईचा विजय लांबवला. अखेरीस त्यांचा डाव २१४ धावांवर संपुष्टात आला आणि मुंबईने हंगामातील दुसरा विजय साकारला.

हेही वाचा >>>घटस्फोट झाल्यानंतर पहिल्यांदाच नताशा हार्दिक पंड्याबाबत म्हणाली, “आम्ही अजूनही…”

गुणतालिकेत तिसऱ्या स्थानी

ओडिशाविरुद्ध बोनस गुणासह विजय साकारल्याने मुंबईचा संघ एलिट ‘अ’ गटाच्या गुणतालिकेत तिसऱ्या स्थानी पोहोचला आहे. मुंबईच्या खात्यावर आता १६ गुण झाले आहेत. बडोद्याचा संघ (१९ गुण) अग्रस्थानी कायम असून जम्मू-काश्मीर (१७ गुण) दुसऱ्या स्थानावर आहे. सेनादलाविरुद्धच्या पराभवामुळे महाराष्ट्राची (८ गुण) सहाव्या स्थानावर घसरण झाली आहे.

संक्षिप्त धावफलक

● मुंबई (पहिला डाव) : ४ बाद ६०२ घोषित

● ओडिशा (पहिला डाव) : २८५

● ओडिशा (दुसरा डाव) : ७२.५ षटकांत सर्व बाद २१४ (आशीर्वाद स्वेन ५१, कार्तिक बिस्वाल नाबाद ४५; शम्स मुलानी ५/७१, हिमांशू सिंह ४/७७)