Ranji Trophy: टीम इंडियाचे स्टार घरच्या मैदानावरही नापास; गिल, पंत, यशस्वी एकेरी धावा करुन तंबूत

ऑस्ट्रेलियानंतर घरच्या मैदानावरही भारताचे खेळाडू नापास झाले आहेत. रोहित शर्मा, यशस्वी जैस्वाल, ऋषभ पंत, शुबमन गिल हे खळाडू आपला फॉर्म परत मिळवण्यासाठी रणजी सामन्यात खेळण्यासाठी उतरले खरे पण मोठी कामगिरी करू शकले नाहीत. रोहित शर्मा ३ धावांवर, ऋषभ पंत १ धाव करून, यशस्वी जैस्वाल ४ धावा करून तर शुबमन गिलही ४ धावा करत माघारी परतले. तर श्रेयस अय्यर ११ धावा करत बाद झाला. पण श्रेयस अय्यरने ७ चेंडूत एक षटकार आणि एका चौकारासह ११ धावा करत आपला फॉर्म दाखवून दिला. पण जम्मू काश्मीरच्या भेदक गोलंदाजीपुढे मुंबईचा हा स्टार खेळाडू बाद झाला.

चॅम्पियन्स ट्रॉफी तोंडावर आलेली असताना भारतीय संघाचे हे स्टार खेळाडू फलंदाजीत फेल झालेले पाहून टीम इंडियासाठी हा मोठा धक्का आहे. चॅम्पियन्स ट्रॉफी येत्या १९ फेब्रुवारीपासून खेळवली जात असून भारतीय संघ जाहीर करण्यात आला आहे. भारतीय संघात असलेले बरेचसे खेळाडू रणजी ट्रॉफीचे सामने खेळत आहेत. पण आता रोहित शर्मा, यशस्वी जैस्वाल, शुबमन गिल आणि ऋषभ पंत हे खेळाडू फेल झाल्याने भारताची फलंदाजी फळी कमकुवत असल्याचे चित्र दिसत आहे. तर अष्टपैलू रवींद्र जडेजादेखील सौराष्ट्रकडून दिल्लीविरूद्ध सामन्यात खेळत आहे. जिथे त्याने आतापर्यंत २ विकेट्स घेतले आहेत.

रणजी ट्रॉफीचे २३ जानेवारीपासून सुरू झालेले सामने

मेघालय वि. ओडिशा
गोवा वि. नागालँड
आसाम वि. रेल्वे
त्रिपुरा वि. सर्व्हिसेस
बंगाल वि. हरियाणा
बिहार वि. उत्तरप्रदेश
छत्तीसगढ वि. झारखंड
तामिळनाडू वि. चंदीगढ
मध्यप्रदेश वि. केरळ
दिल्ली वि. सौराष्ट्र
विदर्भ वि. राजस्थान
पंजाब वि. कर्नाटक
महाराष्ट्र वि. बडोदा
मुंबई वि. जम्मू काश्मीर
आंध्रा वि. पुदुच्चेरी
हैदराबाद वि. हिमाचल प्रदेश
उत्तराखंड वि. गुजरात