कर्नाटकने रणजी करंडक क्रिकेट स्पध्रेच्या अंतिम फेरीतील आपले स्थान निश्चित केले आहे. पंजाबविरुद्धच्या उपांत्य फेरीच्या सामन्यातील पाचव्या दिवशी पावसामुळे खेळ होऊ शकला नाही. पहिल्या डावातील आघाडीच्या बळावर कर्नाटकने अंतिम फेरीत स्थान मिळवले असून महाराष्ट्राविरुद्धची ही महत्त्वपूर्ण लढत २९ जानेवारीपासून सुरू होणार आहे.पावसामुळे एकही चेंडू टाकता न आल्यामुळे पंचांनी पाचव्या दिवसाचा खेळ रद्द केला. या सामन्याचा पहिला दिवसही पावसामुळे वाया गेला होता. पंजाबने प्रथम फलंदाजी करताना २७० धावा केल्या होत्या. प्रत्युत्तरादाखल कर्नाटकने ५ बाद ४४७ धावा उभारल्या. याआधी २००९-१०च्या हंगामात कर्नाटकने अंतिम फेरी गाठली होती.
रणजी अंतिम फेरी
२९ जानेवारी ते २ फेब्रुवारी     
महाराष्ट्र वि. कर्नाटक    
राजीव गांधी आंतरराष्ट्रीय स्टेडियम, हैदराबाद