IPL 2024: आर. अश्विनने हार्दिक पंड्याबाबत केला मोठा खुलासा; म्हणाला,“मुंबई इंडियन्समध्ये जाण्यासाठी त्याने…”

मुंबईत येण्यासाठी हार्दिकला किती पैसे मिळाले?

आर. अश्विन त्याच्या यूट्यूब चॅनेलवर बोलताना म्हणाला, “मी तुम्हाला व्यापार कराराबद्दल सांगेन कारण, मी स्वतः त्यात सहभागी झालो आहे. एखाद्या खेळाडूला हस्तांतरित केलेल्या रकमेच्या १० ते ५० टक्के पर्यंत पैसे मिळू शकतात. उदाहरणार्थ, माध्यमात जाहीर केल्याप्रमाणे, हार्दिक पंड्यासाठी मुंबई इंडियन्सने गुजरातबरोबर १५ कोटी रुपयांचा करार केला असावा. हे संघांबाबातीत आता, खेळाडूने स्वतःला मिळणारी रक्कम अजून जाहीर केलेली नाही, जी हस्तांतरित करताना भरावी लागते ती आत्तापर्यंतच्या बातम्यांनुसार अघोषित रक्कम आहे. मुंबई इंडियन्समध्ये जाण्यासाठी त्याला माझ्या अंदाजे १५ कोटींपेक्षा अधिक रक्कम मिळाली असावी,” अश्विनने त्याच्या यूट्यूब चॅनेलवरील व्हिडीओमध्ये म्हटले आहे.

आणखी वाचा

आयुष्मान खुरानाचा ताहिराबरोबर झाला होता ब्रेकअप; ‘हे’ होते कारण, अभिनेत्याने स्वत:चं केला खुलासा

Nana Patole : निकालाआधी राजकीय घडामोडींना वेग; यातच…

‘हेरा फेरी ३’ची प्रतीक्षा संपली, अक्षय कुमारने दिली महत्त्वाची माहिती; म्हणाला, “पुढील वर्षी…”

फक्त ६ कोटींचे बजेट असलेल्या सिनेमाने कमावलेले ७६ कोटी, तुम्ही पाहिलाय का २८ वर्षांपूर्वीचा ‘हा’ सुपरहिट चित्रपट?

अक्षय कुमारच्या २००४ मध्ये प्रदर्शित झालेल्या ‘या’ सिनेमाचा येणार सिक्वेल, चित्रपटाला २० वर्षे पूर्ण होताच निर्मात्यांनी केली घोषणा

IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…

KL Rahul: “मैदानावर जे काही घडलं ते फार चांगलं…”, संजीव गोयंका भर मैदानात भडकल्याच्या घटनेवर केएल राहुलने पहिल्यांदाच केलं वक्तव्य

हेही वाचा: IND vs SL: भारत करणार श्रीलंकेचा दौरा, वन डे आणि टी-२० मालिकेत होणार सहभागी; जाणून घ्या संपूर्ण कार्यक्रम

हार्दिकने गुजरात टायटन्सला विजेतेपद मिळवून दिले आहे

गुजरात टायटन्सबरोबरच्या दोन वर्षात, हार्दिक पंड्याने २०२२ मधील त्याच्या पहिल्या आयपीएल हंगामात त्याच्या संघाला विजेतेपद मिळवून दिले. दुसऱ्या हंगामात टायटन्सने आयपीएल २०२३च्या अंतिम फेरीत प्रवेश केला आणि फायनलमध्ये चेन्नई सुपर किंग्ज विरुद्ध पराभूत स्पर्धेचे उपविजेते ठरले. कर्णधार म्हणून आयपीएलमधील यशानंतर पंड्या भारताचा टी-२० कर्णधार बनला पण आता शुबमन गिलची गुजरात टायटन्सच्या कर्णधारपदी नियुक्ती करण्यात आली आहे.

आंतरराष्ट्रीय क्रिकेटमध्ये हार्दिक पंड्याच्या उदयात मुंबई इंडियन्सचा मोठा वाटा आहे. त्याला २०१५ मध्ये फ्रँचायझीने अनकॅप्ड खेळाडू म्हणून १० लाख रुपयांच्या मूळ किमतीत घेतले होते. २०१५, २०१७, २०१९ आणि २०२० मध्ये मुंबई इंडियन्सच्या विजेतेपदांमध्ये त्याने महत्त्वाची भूमिका बजावली. पहिल्या हंगामानंतर त्याला भारतीय संघात स्थान मिळाले.

हेही वाचा: राहुल द्रविडची पुन्हा प्रशिक्षकपदी नियुक्ती झाल्यानंतर गंभीरचे सूचक विधान; म्हणाला, “विश्वचषक पराभवाचा…”

हार्दिक पंड्याने मुंबई इंडियन्ससाठी गुजरात टायटन्सचे कर्णधारपद का सोडले?

आता प्रश्न असा आहे की, गुजरातने हार्दिक पंड्याला कर्णधारपद दिले होते, तोही चांगली कामगिरी करत होता. पण एमआयमध्ये रोहित शर्माच्या नेतृत्वाखाली खेळण्यासाठी त्याने गुजरातचा संघ का सोडला? यावर येत्या काही दिवसात कळेल. आयपीएल २०२४मध्ये हार्दिक पंड्या एमआयचे कर्णधारपद भूषवू शकत नसला अशी जरी शक्यता वर्तवली तरी त्याने या हंगामाच्या शेवटी किंवा पुढील हंगामापासून या संघाचे कर्णधारपद स्वीकारले पाहिजे, असे फ्रेंचायझीचे मत आहे. स्वतःवरील दबाव कमी करण्यासाठी रोहित एमआयचे कर्णधारपद सोडू शकतो, त्यानंतर हार्दिकला ही जबाबदारी दिली जाऊ शकते आणि यामुळेच हार्दिकने गुजरातचे कर्णधारपद सोडले आहे. मात्र, ही सध्या फक्त एक चर्चा असून याबाबत ठोस अशी अधिकृत माहिती समोर आलेली नाही.