IND vs AUS : कपिल देव, सचिन तेंडुलकरच्या यादीत सर जाडेजांना स्थान

हार्दिक पांड्याच्या दुखापतीमुळे भारतीय संघात जागा मिळालेल्या रविंद्र जाडेजाने दुसऱ्या सामन्यात आपल्या नावावर एका विक्रमाची नोंद केली आहे. ऑस्ट्रेलियन गोलंदाजांसमोर सर्व फलंदाज माघारी परतत असताना, रविंद्र जाडेजाने अखेरच्या फळीत विराट कोहलीला साथ देत 21 धावांची खेळी केली. या खेळीदरम्यान जाडेजाने कपिल देव आणि सचिन तेंडुलकर या खेळाडूंच्या पंक्तीत स्थान मिळवलं आहे. वन-डे क्रिकेटमध्ये 2 हजार धावा आणि 150 विकेट घेणारा जाडेजा तिसरा भारतीय खेळाडू ठरला आहे.