कोहलीची विकेट नको रे बाबा ! जडेजानं टाळलं विराटच्या विकेटचं सेलिब्रेशन

बंगळुरूच्या फलंदाजीदरम्यान चेन्नईचा कर्णधार धोनीने रविंद्र जडेजाकडे सातवं षटक टाकण्याची जबाबदारी दिली. त्याच्या षटकाच्या पहिल्याच चेंडूवर अनपेक्षितपणे विराट कोहली क्लीन बोल्ड झाला. जडेजाने टाकलेल्या सरळ चेंडूवर चकल्यामुळे खुद्द कोहलीही हैराण झाला. पण कोहलीला बाद केल्याचा आनंद साजरा करण्याच्या प्रयत्नात असतानाच जडेजाची नजर कोहलीवर जाते आणि तो त्याचं सेलिब्रेशन टाळतो. मैदानावरील कॅमे-यांमध्ये कैद झालेलं हे दृष्य काही वेळातच सोशल मीडियावर व्हायरल झालं आणि युजर्सनी जडेजाची खिल्ली उडवायला सुरूवात केली. किमान भारतीय कसोटी संघात परतता यावं यासाठी जडेजाने स्वतःला सेलिब्रेशन करण्यापासून रोखलं, असे एकाहून एक हास्यास्पद ट्विट युजर्सकडून केले जात आहेत.
पाहा व्हिडीओ –