Ravindra Jadeja : रवींद्र जडेजाने इशांत-झहीरला मागे टाकत केला मोठा पराक्रम, भारतासाठी ‘ही’ कामगिरी करणारा ठरला पाचवा गोलंदाज

वानखेडे मैदानावर रवींद्र जडेजाने किवी फलंदाजांना अडचणीत आणले आहे. जड्डूने आतापर्यंत दोन सत्रात तीन विकेट्स घेतल्या आहेत. जडेजानेही चहाच्या विश्रांतीपूर्वी ग्लेन फिलिप्सला बाद करून विशेष कामगिरी केली आहे. भारताकडून कसोटी क्रिकेटमध्ये सर्वाधिक विकेट्स घेण्याच्या बाबतीत जडेजा आता पाचव्या स्थानावर आला आहे. जड्डूने झहीर खान आणि इशांत शर्मा या दोघांनाही मागे टाकले आहे.

नक्की वाचा

IND vs PAK: पाकिस्तानने ५ षटकांत भारताचा केला पराभव, एकही विकेट न गमावता गाठले १२० धावांचे लक्ष्य

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

IND vs NZ : ऋषभ पंतच्या वादग्रस्त विकेटवर एबी डिव्हिलियर्सने उपस्थित केले प्रश्न; म्हणाला, ‘सत्य हे आहे की…’

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

“अशा श्रीमंतीचा काय उपयोग?” आलिशान बीएमडब्ल्यूमधून आलेल्या महिलेचं रात्री १२ वाजता लाजीरवाणं कृत्य; VIDEO व्हायरल

IND vs NZ : ‘तुम्ही फलंदाजांना दोष देऊ नका…’, मालिका गमावल्यानंतर अनिल कुंबळे रोहित-गौतमवर संतापले

IND vs NZ: “सर्वांसाठी सारखेच नियम ठेवा…”, ऋषभ पंतच्या वादग्रस्त विकेटवर रोहित शर्मा भडकला, खरंच पंत नॉट आऊट होता?

IND vs NZ: वॉशिंग्टन सुंदरमुळे सुनील गावसकरांनी जेवताना फोडली प्लेट, रवी शास्त्रींनी कॉमेंट्री करताना सांगितलं नेमकं काय घडलं?

रवींद्र जडेजाने केला मोठा पराक्रम –

रवींद्र जडेजाने वानखेडेवर ग्लेन फिलिप्सची विकेट घेत महान खेळाडूंच्या यादीत आपले नाव सामील केले आहे. जड्डू आता कसोटी क्रिकेटमध्ये सर्वाधिक विकेट घेणारा भारताचा पाचवा गोलंदाज ठरला आहे. जडेजाने या प्रकरणात झहीर खान आणि इशांत शर्माला मागे टाकले आहे. जड्डूच्या नावावर आता कसोटी क्रिकेटमध्ये ३१२ विकेट्स आहेत. त्याचबरोबर झहीर आणि इशांतने क्रिकेटच्या सर्वात लांब फॉरमॅटमध्ये ३११ विकेट घेतल्या आहेत. भारतासाठी सर्वाधिक विकेट्स घेणारा गोलंदाज अनिल कुंबळे (६१९) आहे.

हेही वाचा – IPL 2025 Retention : ‘रिटेन्शनमध्ये संजूची मोठी भूमिका…’, चहल-अश्विन आणि बटलरला रिलीज करण्याबाबत राहुल द्रविड यांचे मोठे वक्तव्य

u

वानखेडेवर चालली जड्डूची जादू –

वानखेडे मैदानावर रवींद्र जडेजाच्या फिरकीसमोर न्यूझीलंडचे फलंदाज लोटांगण घालताना दिसले. जडेजा किवी फलंदाजांसाठी मोठी डोकेदुखी ठरत आहे. वृत्त लिहेपर्यंत तिसऱ्या कसोटीच्या पहिल्या दिवशी भारतीय फिरकीपटूने न्यूझीलंडच्या पाच फलंदाजांना पॅव्हेलियनचा रस्ता दाखवला आहे. जडेजाने एकाच षटकात विल यंग आणि टॉम ब्लंडेलचा डाव संपवला. यंगला ७१ धावांवर जड्डूने बाद केले. त्याचबरोबर ब्लंडेलला आपले खातेही उघडता आले नाही. त्याचवेळी ग्लेन फिलिप्सला १७ धावांवर जडेजाने बाद केले. जडेजाचा फिरकी समजण्यात फिलिप्स पूर्णपणे अपयशी ठरला आणि चेंडू त्याच्या बॅट आणि पॅडमधून गेला आणि स्टंपवर आदळला.

हेही वाचा – IND vs NZ : वॉशिंग्टन सुंदरने रचिन रवींद्रविरुद्ध नोंदवली हॅटट्रिक! सलग तिसऱ्या डावात उडवला त्रिफळा, VIDEO होतोय व्हायरल

रवींद्र जडेजाने घेतल्या पाच विकेट्स –

रवींद्र जडेजाने या डावात दुसऱ्यांदा एका षटकात दोन विकेट्स घेतले. त्याने किवी डावाच्या ६१ व्या षटकात ईश सोधी आणि मॅट हेन्री यांना पॅव्हेलियनमध्ये पाठवले. सोधी एलबीडब्ल्यू आऊट झाला, तर हेन्री त्रिफळाचीत झाला. सोधीने सात धावा केल्या, तर हेन्रीला खातेही उघडता आले नाही. सध्या डेरिल मिशेल आणि एजाज पटेल क्रीजवर आहेत. न्यूझीलंडने आठ गड्यांच्या मोबदल्यात २१७ धावा केल्या आहेत.