Ravindra Jadeja: रवींद्र जडेजाने निवृत्तींच्या चर्चांदरम्यान शेअर केली क्रिप्टिक पोस्ट, ४ शब्दांत दिलं उत्तर

रवींद्र जडेजाला १२ वर्षांपूर्वी सामनावीराचा पुरस्कार मिळाला होता. ३५ वर्षीय अष्टपैलू जडेजाने २०२५ च्या फायनलमध्ये पाठलाग करताना विजयी चौकार मारला आणि संघाला विजयापर्यंत नेले. दुबईच्या खेळपट्टीसाठी टीम इंडियाने जे फिरकी आक्रमण तयार केले होते, त्यात जडेजा महत्त्वाचा भाग होता. भारतीय संघ या स्पर्धेत एकूण ४ फिरकीपटूंउतरला होता. डावखुरा फिरकीपटूने ५ सामन्यात ४.३५ च्या इकॉनॉमीसह ५ विकेट घेतले.

जडेजाने टी-२० विश्वचषक २०२४ जिंकल्यानंतर टी-२० फॉरमॅटमधून निवृत्ती जाहीर केली होती. त्यावेळेस विराट कोहली आणि रोहित शर्मा यांनीही निवृत्ती जाहीर केली होती. त्यामुळे चॅम्पियन्स ट्रॉफी २०२५ जिंकल्यानंतर रोहित, कोहली आणि जडेजा निवृत्त होणार असल्याचे बोलले जात होते. पण असे झाले नाही. रोहित आणि कोहलीने निवृत्ती घेण्यास नकार दिला. तर आता रवींद्र जडेजानेही सोशल मीडियावर चार शब्दांत आपण निवृत्ती घेणार नसल्याचे सांगितले आहे.

जडेजा त्याच्या इन्स्टाग्राम स्टोरीमध्ये म्हणाला, “विनाकारण कोणत्याही अफवांवर पसरवू नका, धन्यवाद”. जडेजाच्या या पोस्टसह आता तो निवृत्त होणार नसल्याचे स्पष्ट झाले आहे. जडेजा हा प्रत्येक फॉरमॅटमध्ये भारताचा सर्वात महत्त्वाचा खेळाडू आहे. २००९ पासून आतापर्यंत त्याने प्रत्येक फॉरमॅटमध्ये अप्रतिम कामगिरी केली आहे. आगामी काळात एकदिवसीय आणि कसोटी फॉरमॅटमध्येही त्याची चांगली कामगिरी पाहायला मिळेल.