RCB bought Yash Dayal in IPL 2024 mini auction : आयपीएल २०२३ चा एक लीग सामना, जो क्वचितच कोणीही विसरू शकतो, ज्यामध्ये केकेआरचा फलंदाज रिंकू सिंगने गुजरात टायटन्सचा गोलंदाज यश दयालच्या एका षटकात पाच चेंडूत सलग ५ षटकार मारले. रिंकू सिंगने सलग ५ षटकार मारून आपल्या संघाला विजय मिळवून दिला होता. त्यानंतर आयपीएल २०२४ च्या लिलावापूर्वी गुजरात टायटन्स संघाने यश दयाळला सोडले होते. आता त्याला विराट कोहलीच्या आरसीबी संघाची साथ मिळाली आहे. रिंकू सिंगने सलग ५ षटकार मारलेल्या सामन्यानंतर हार्दिक पंड्या त्यावेळी गुजरातचा कर्णधार होता, त्याने यश दयाळ आजारी असल्याचे सांगितले होते आणि त्याचे वजनही ९ किलोने कमी झाले होते. बरं, आयपीएल २०२३ मध्ये यश दयाळसोबत जे काही घडलं ते झालं, पण आयपीएल २०२४ च्या लिलावात त्याच्यासोबत चांगलेच घडले आणि यावेळी आरसीबी संघाने ५ कोटी रुपये देऊन संघात सामील करुन घेतले. या लिलावात यशने त्याची मूळ किंमत २० लाख रुपये ठेवली होती. यश दयाळला आरसीबीची मिळाली साथ - आयपीएल २०२४ मध्ये यश दयाळ आता गुजरात नव्हे, तर आरसीबीकडून खेळताना दिसणार आहेत. यश दयाळने यापूर्वी आयपीएलच्या दोन मोसमात गुजरातकडून गोलंदाजी केली होती. २०२२ मध्ये जेव्हा गुजरात संघाने या लीगमध्ये प्रवेश केला, तेव्हा यश दयाळ या संघात सामील झाला होता. या फ्रँचायझीने त्याला ३ कोटी २० लाख रुपये देऊन विकत घेतले होते. यानंतर गुजरातने त्याला आयपीएल २०२३ साठी त्याच किमतीत कायम ठेवले होते, परंतु या हंगामात त्याच्या खराब कामगिरीमुळे संघाने त्याला सोडले. हेही वाचा - IPL 2024 Auction : लिलावात मल्लिका सागरकडून मोठी चूक! आरसीबीला संघाला तब्बल ‘इतक्या’ लाखांचा बसला फटका आयपीएल २०२३ नंतर गुजरातने सोडल्यानंतर यश दयाळला पूर्वीपेक्षा चांगली किंमत मिळाली आहे. आरसीबीने त्याला ५ कोटी रुपयांना विकत घेतले. यश दयाळच्या आयपीएल कारकिर्दीबद्दल सांगायचे, तर २०२२ साली या लीगमध्ये पदार्पण करणाऱ्या यशने या मोसमात ९ सामन्यांमध्ये ११ विकेट घेतल्या, तर २०२३ मध्ये त्याने गुजरातकडून खेळलेल्या ५ सामन्यांमध्ये केवळ २ विकेट घेतल्या. आयपीएलच्या मागील दोन हंगामात साईने खेळलेल्या १४ सामन्यांमध्ये १३ विकेट घेतल्या असून ४० धावांत ३ विकेट्स ही त्याची सर्वोत्तम कामगिरी आहे.
