विराट कोहलीने जिंकली क्रीडारसिकांची मनं

सामन्यातील पराभवानंतर दिल्लीचा कर्णधार ऋषभ पंत निराश झाला. यावेळी बंगळुरुचा कर्णधार विराट कोहली त्याच्याजवळ आला आणि त्याचं सांत्वन केलं. तसेच चांगल्या खेळीबद्दल त्याच्या पाठीवर कौतुकाची थाप मारली. त्याचबरोबर पंतसोबत मैदानात काही वेळ सुद्धा घालवता. तर मोहम्मद सिराजने हेटमायरला मिठी मारली. हा व्हिडिओ आयपीएलच्या अधिकृत खात्यावर शेअर करण्यात आला आहे. या व्हिडिओला नेटीझन्स पंसती देत असून दिलदार कोहलीचं कौतुक करत आहेत.

बंगळुरुने आयपीएल स्पर्धेत ६ पैकी ५ सामन्यात विजय मिळवला आहे. दिल्लीवरील विजयनानंतर आयपीएल गुणतालिकेत बंगळुरुचा संघ पुन्हा अव्वल स्थानी पोहोचला आहे. तर दिल्लीला ६ पैकी ४ सामन्यात विजय आणि २ सामन्यात पराभवाचं तोंड पाहावं लागलं आहे. आयपीएल गुणतालिकेत दिल्लीचा संघ तिसऱ्या स्थानावर आहे. दिल्लीचा पुढचा कोलकातासोबत २९ एप्रिलला आहे.