आयपीएलसाठी रॉयल चॅलेंजर्स बंगळुरू संघाचा सराव सुरू

संघाच्या प्रशिक्षण शिबिरात यजुर्वेंद्र चहल, नवदीप सैनी, मोहम्मद सिराज, हर्षल पटेल, शाहबाज अहमद, पवन देशपांडे, मोहम्मद अझरुद्दीन, रजत पाटीदार, सचिन बेबी, सुयश प्रभुदेसाई आणि के एस भरत यांचा समावेश आहे. तर, उर्वरित खेळाडू नंतर शिबिरात सामील होतील.

New season
Renewed steel

All set to take guard for #IPL2021#PlayBold #WeAreChallengers pic.twitter.com/j19zj8tGjW

— Royal Challengers Bangalore (@RCBTweets) March 31, 2021

आरसीबीच्या म्हणण्यानुसार, हे खेळाडू सात दिवसांच्या क्वारंटाइन कालावधीनंतर संघात सामील होतील. क्रिकेट ऑपरेशन्सचे संचालक माइक हेसन आणि मुख्य प्रशिक्षक सायमन कॅटिच यांच्या मार्गदर्शनाखाली असीबीची नऊ दिवसीय कंडीशनिंग शिबिर चालविण्यात येत आहे. या संघात संजय बांगर, एस. श्रीधरन, अ‍ॅडम ग्रिफिथ, शंकर बासू आणि मलोलन रंगराजन हे प्रशिक्षक कर्मचारी आहेत.

विराटच्या नेतृत्वाखालील रॉयल चॅलेंजर्स बंगळुरूसाठी आयपीएलचा 13वा ‘ठीक’ गेला. चांगली कामगिरी करूनही विराटसेनेने हैदराबादकडून पराभव स्वीकारत प्ले ऑफचा प्रवास थांबवला. यंदाच्या लिलावात आरसीबीने 35.40 कोटी पैकी 34 कोटी तीन अष्टपैलू खेळाडूंवर खर्च केले. त्यांनी न्यूझीलंडच्या काईल जेम्ससनला 15 कोटी, ऑस्ट्रेलियाच्या ग्लेन मॅक्सवेलला 14.25 आणि ऑस्ट्रेलियाच्या डॅनियल ख्रिश्चनला 4.8 कोटींची बोली लावत संघात घेतले.

आरसीबीची इतर खेळाडूंवर बोली

• सचिन बेबी (20 लाख)
• रजत पाटीदार (20 लाख)
• मोहम्मद अझरुद्दीन (20 लाख)
• सुयश प्रभुदेसाई (20 लाख)
• के. एस. भरत (20 लाख)