Ricky Ponting on Akshar Patel: ऑस्ट्रेलियाचा माजी कर्णधार रिकी पाँटिंगने अक्षर पटेलबद्दल मंगळवारी एक खुलासा केला. रिकी पाँटिंगच्या मते दिल्ली कॅपिटल्सकडून खेळताना अक्षरने केलेले ‘किरकोळ तांत्रिक बदल’ भारतासाठी प्रभावी फलंदाज बनण्यास मदत केली. अक्षर आगामी आयपीएलमध्येही आपला चांगला फॉर्म कायम ठेवेल, अशी पाँटिंगला अपेक्षा आहे.
ऑस्ट्रेलियाविरुद्धच्या बॉर्डर-गावसकर कसोटी मालिकेत, अक्षरने चार सामन्यांत तीन अर्धशतकांच्या मदतीने २६४ धावा केल्या. विराट कोहली (२९७ धावा) नंतर भारतासाठी सर्वाधिक धावा करणारा दुसरा फलंदाज ठरला. पाँटिंगने ‘आयसीसी रिव्ह्यू’मध्ये सांगितले की, “मी अक्षरला बऱ्याच काळापासून ओळखतो. जेव्हा मी पहिल्यांदा मुंबई संघात सामील झालो, तेव्हा तो संघातील एक तरुण खेळाडू होता.”
पाँटिंग म्हणाला, “मला माहित होते की त्याच्याकडे फलंदाजीचे कौशल्य आहे. पण गेल्या दोन वर्षात तो आयपीएल किंवा आंतरराष्ट्रीय स्तरावर ते कौशल्य दाखवू शकला नाही.” पाँटिंग म्हणाला, “आम्ही त्याच्या फलंदाजीत काही बदल केले. आम्ही त्याच्या नितंब आणि खांद्याच्या स्थितीत किरकोळ फेरबदल केले, ज्यामुळे त्याला उजव्या हाताचे वेगवान गोलंदाजांना आणि शॉर्ट पिच चेंडू खेळण्यास मदत झाली. पूर्वी शॉर्ट पिच बॉल्स ही त्याची कमजोरी असायची.”
हेही वाचा – इतका राग! नॉन स्ट्रायकर एंडवर बाद होताच संतापला फलंदाज; रागाच्या भरात केलं अस काही की, VIDEO होतोय व्हायरल
अक्षरने २०१३ मध्ये मुंबई इंडियन्सकडून आयपीएलमध्ये पदार्पण केले होते. यानंतर त्याने किंग्ज इलेव्हन पंजाबकडून पाच वर्षे खेळून आपल्या खेळात सुधारणा केली. गेल्या चार हंगामात तो दिल्ली कॅपिटल्सकडून खेळत आहे. पाँटिंग हा दिल्ली कॅपिटल्सचा प्रशिक्षक आहे.
मालिकेदरम्यान त्याने फलंदाजी केलेल्या पाचपैकी तीन डावांमध्ये अक्षराने ७० पेक्षा जास्त धावा केल्या. पहिल्या कसोटीत त्याने १७४ चेंडूत ८४ धावा केल्या, आठव्या विकेटसाठी रवींद्र जडेजा सोबत २११ चेंडूत ८८ धावांची भागीदारी केली. त्यानंतर नवव्या विकेटसाठी मोहम्मद शमीसोबत ५२ धावांची भागीदारी करून ऑस्ट्रेलियासाठी अडचणी निर्माण केली.
हेही वाचा – Team India: सुनील गावसकरांची मोठी भविष्यवाणी; २०२३ च्या विश्वचषकानंतर ‘हा’ खेळाडू भारताचा कर्णधार होऊ शकतो
त्यानंतर दुसऱ्या कसोटीत त्याने ११५ चेंडूत ७४ धावा केल्या होत्या. तसेच अक्षरने अंतिम कसोटीत विराट कोहलीसोबत १६२ धावांच्या भागीदारीत ७९ धावा केल्या. या दरम्यान विराट कोहलीने तीन वर्षांपासून सुरु असलेला कसोटी शतकांचा दुष्काळ संपुष्टात आला.
