टी-२० सामन्यासाठी टीम इंडिया अमेरिकेत, मात्र संघातली ‘गटबाजी’ कायम?

मियामीमध्ये दाखल झाल्यानंतरही भारतीय संघातले खेळाडू दोन गटांमध्ये फिरताना दिसत आहेत. कर्णधार विराट कोहली आपली पत्नी अनुष्कासोबत तर उप-कर्णधार रोहित शर्मा ऋषभ पंत-शिखर धवन आणि इतर सहकाऱ्यांसोबत फिरताना दिसतो आहे. सोशल मीडिया अकाऊंटवर भारतीय खेळाडूंचे फोटो आल्यानंतर, टीम इंडियामध्ये अजुनही गटबाजी कायम आहे की काय या चर्चेला आता सुरुवात झाली आहे.

विश्वचषकातून संघाचं आव्हान संपुष्टात आल्यानंतर रोहित शर्मा आपली पत्नी आणि मुलीसह संघाला मागे टाकून एकटा मुंबईत आला होता. उपांत्य सामन्यात विराट आणि रोहितमध्ये मतभेद झाल्याच्या बातम्या समोर आल्या होत्या. मात्र विराटने या वृत्ताचं खंडन केलं आहे. त्यामुळे भारतीय संघाच्या विंडीज दौऱ्यातील कामगिरीकडे सर्वांचं लक्ष असणार आहे.