IND vs AUS: ऋषभ पंतने गाबा कसोटीत घडवला इतिहास, १५० चा आकडा पार करत धोनी-द्रविडच्या मांदियाळीत मिळवलं स्थान

जसप्रीत बुमराहने दुसऱ्या दिवशी गोलंदाजीची सुरुवात केली. यासह बुमराहने स्पेलमधील दुसऱ्या आणि तिसऱ्या षटकात विकेट्स घेतले. बुमराहने सुरुवातीलाच ऑस्ट्रेलियाला दोन मोठे धक्के दिले. बुमराहने १७ व्या षटकातील पहिल्याच चेंडूवर उस्मान ख्वाजाला ऋषभ पंतकरवी झेलबाद करत पहिली विकेट मिळवली. ही विकेट घेतल्यावर ऋषभ पंतने मोठी कामगिरी आपल्या नावे केली आहे. त्यानंतर आता पंतने य़ष्टीरक्षण करताना १५० विकेट्सचा टप्पा गाठला आहे. ज्यामध्ये १३५ झेल आणि १५ स्टंपिंगचा समावेश आहे.

हेही वाचा – IND vs AUS: विराटने ‘नैनोंं में सपना’ गाण्यावर डान्स करत हरभजनची घेतली फिरकी, अचानक डान्स का करू लागला कोहली? पाहा VIDEO

कसोटी क्रिकेटमध्ये यष्टीरक्षक म्हणून विकेटच्या मागे सर्वाधिक झेल टिपणारा पंत आता भारताचा चौथा खेळाडू ठरला आहे. विशेष म्हणजे पंतने अवघ्या ४१ सामन्यांमध्ये हे विशेष यश संपादन केले आहे. मात्र, सध्या तो माजी दिग्गज एमएस धोनी आणि राहुल द्रविडपेक्षा खूप मागे आहे.

माजी कर्णधार एमएस धोनी या यादीत पहिल्या स्थानी आहे. कसोटी क्रिकेटमध्ये यष्टीरक्षण करताना धोनीने ९० सामन्यांमध्ये २९४ एकूण फलंदाजांना बाद केलं, ज्यात २५६ झेल आणि ३८ स्टंपिंगचा समावेश आहे. याशिवाय राहुल द्रविडचे नाव दुसऱ्या क्रमांकावर आहे. द्रविडने १६३ सामन्यात विकेट कीपिंग करताना २०९ फलंदाजांना बाद केलं आहे.

हेही वाचा – Mohammed Shami: शमीला ऑस्ट्रेलिया नाही हैदराबादचं मिळालं तिकीट, गाबा कसोटीदरम्यान आली मोठी अपडेट

सर्वाधिक फलंदाजांना बाद करणारे यष्टीरक्षक

एमएस धोनी (२००५-१४)

९० सामने
२५६ यष्टिरक्षक म्हणून झेल
३८ स्टंपिंग
एकूण बाद: २९४.

सय्यद किरमाणी (१९७६-१९८६)

८८ सामने
१६० यष्टिरक्षक म्हणून झेल
३८ स्टंपिंग
एकूण बाद: १९८.

ऋषभ पंत (२०१८-२०२४)

४१ सामने
१३५ यष्टिरक्षक म्हणून झेल
१५ स्टंपिंग
एकूण बाद: १५०

किरण मोरे (१९८६-१९९३)

४९ सामने
११० यष्टिरक्षक म्हणून झेल
२० स्टंपिंग
एकूण बाद: १३०