IND vs AUS: ऋषभ पंतची नव्या विक्रमाला गवसणी, रोहित-विराटनंतर कसोटीत ‘ही’ कामगिरी करणारा तिसरा फलंदाज

हेही वाचा – IND vs AUS: जसप्रीत बुमराहचा पर्थ कसोटीत दुर्मिळ विक्रम, कसोटीत ‘ही’ कामगिरी करणारा जगातील दुसरा तर भारताचा पहिला गोलंदाज

ऋषभ पंतची बेधडक फलंदाजी

भारत विरुद्ध ऑस्ट्रेलिया कसोटी मालिका जागतिक कसोटी चॅम्पियनशिप अंतर्गत खेळवली जात आहे. भारतीय संघ सध्या गुणतालिकेत दुसऱ्या स्थानावर असला तरी अंतिम फेरीत जाण्याची शक्यता नक्कीच आहे. दरम्यान, आतापर्यंत फक्त तीन भारतीय फलंदाजांना WTC म्हणजेच जागतिक कसोटी चॅम्पियनशिपमध्ये २ हजारपेक्षा जास्त धावा करता आल्या आहेत. रोहित शर्मा आणि विराट कोहलीनंतर आता ऋषभ पंतच्या नावाचाही यात समावेश झाला आहे. ऋषभ पंत रस्ते अपघातामुळे जवळपास दोन वर्षे क्रिकेटपासून दूर होता. पण आता पुनरागमन केल्यानंतर त्याने अप्रतिम कामगिरी करत हा टप्पा गाठला.

हेही वाचा – IND vs AUS: सिराज आणि लबुशेन भर मैदानात एकमेकांशी भिडले, लबुशेनची कृती पाहून विराटही संतापला अन्… VIDEO व्हायरल

आयसीसी वर्ल्ड टेस्ट चॅम्पियनशिपमध्ये भारतासाठी सर्वाधिक धावा करणारा फलंदाज रोहित शर्मा आहे. ज्याने आतापर्यंत ३७ सामन्यांत २६८५ धावा केल्या आहेत. यानंतर विराट कोहली आहे, त्याने आतापर्यंत ४२ सामने खेळले असून डब्ल्यूटीसीमध्ये त्याने २४३२ धावा केल्या आहेत. तर ऋषभ पंतने ३० सामने खेळत २०२७ धावा केल्या आहेत. २ हजार धावांचा टप्पा गाठणारे हे ३ फलंदाज आहेत. या यादीत चौथ्या क्रमांकावर शुबमन गिल आहे, ज्याने २९ सामन्यांमध्ये १८०० धावा केल्या आहेत.

हेही वाचा – KL Rahul Wicket Controversy: केएल राहुल आऊट की नॉट आऊट? तिसऱ्या पंचांनी घाईत दिला निर्णय अन् राहुलच्या विकेटमुळे सुरू झाला नवा वाद

वर्ल्ड टेस्ट चॅम्पियनशिपमध्ये सर्वाधिक धावा करणारा फलंदाज आहे जो रूट. जो इतर फलंदाजांपेक्षा खूप पुढे आहे. त्याने आतापर्यंत ६१ सामन्यात उत्कृष्ट फलंदाजी करत ५३२५ धावा केल्या आहेत. दुसऱ्या क्रमांकाच्या फलंदाजाच्या नावावर चार हजार धावाही नाहीत. मार्नस लबुशेन दुसऱ्या स्थानावर आहे, ज्याने ४६ सामन्यांत ३९०४ धावा केल्या आहेत.