Rishabh Pant Broke MS Dhoni Record with Fifty IND vs NZ: भारतीय संघाने न्यूझीलंडविरूद्धच्या कसोटी सामन्यात दमदार पुनरागमन केले आहे. न्यूझीलंडने दिलेली ३५६ धावांच्या आघाडीसमोर भारताच्या सर्वच फलंदाजांनी उत्कृष्ट खेळी करत भारताला सामन्यात कायम ठेवले आहे. चौथ्या दिवसाचा खेळ सुरू झाल्यानंतर सर्फराझ खानने आणि ऋषभ पंतने झटपट खेळी करत भारताची धावसंख्या ३४४ वर नेली. पावसाने व्यत्यय आणल्याने सामना थांबवला असून भारत फक्त १२ धावांनी मागे आहे. यादरम्यान सर्फराझ खानने आपले पहिले कसोटी शतक झळकावले आहे. तर ऋषभ पंतने त्याला चांगली साथ देत अर्धशतकी खेळी केली. या अर्धशतकासह ऋषभ पंतने धोनीचा विक्रम मोडत पहिल्या क्रमांकावर पोहोचला आहे.

ऋषभ पंतने आपल्या कसोटी कारकिर्दीतील १२वे अर्धशतक झळकावले आहे. चौथ्या दिवशी लंच ब्रेकपर्यंत तो ५३ धावांवर नाबाद परतला. यादरम्यान त्याने ५६ चेंडूत ५ चौकार आणि ३ षटकारांसह एक जबरदस्त खेळी केली. सर्फराझ खानसोबत त्याने टीम इंडियाला मजबूत स्थितीत आणले आहे. या दोन खेळाडूंनी आतापर्यंत ११३ धावांची भागीदारी केली आहे. त्याचवेळी, या दमदार खेळीदरम्यान ऋषभ पंतने टीम इंडियाचा माजी कर्णधार एमएस धोनीला एका खास यादीत मागे टाकले आहे.

आणखी वाचा
mla sanjay rathod upset over baseless news spread against him by media
“मन दुखावले, जिव्हारी लागले…” आमदार संजय राठोड असे का म्हणाले?
Madhuri Dixit Refused Darr Offer Do You Know The Reason?
Madhuri Dixit : डर चित्रपट माधुरी दीक्षितने का…
Rohit Sharma Furious on Yashasvi Jaiswal Team Bus Leaves Without Him due to Indiscipline of India Opener
IND vs AUS: रोहित शर्मा यशस्वीवर वैतागला, जैस्वालला हॉटेलमध्येच सोडून गेली टीम बस; नेमकं काय घडलं?
Smriti Mandhana Becomes the First Cricketer to Hit 4 Hundreds in Womens odis in a Calendar Year World Record
Smriti Mandhana: स्मृती मानधनाच्या नावे विश्वविक्रम, ‘ही’ कामगिरी करणारी ठरली जगातील पहिली महिला फलंदाज
nana patekar amitabh bachchan KBC 16
नातवाच्या जन्मानंतर अमिताभ बच्चन मिठाई घेऊन आले अन्…, नाना पाटेकरांनी सांगितला किस्सा; ‘ती’ भेटवस्तू अजूनही ठेवलीये जपून
operation lotus
‘ऑपरेशन लोटस’वरून आरोप-प्रत्यारोप; चंद्रशेखर बावनकुळेंच्या दाव्याचे नाना पटोलेंकडून खंडन
George Linde Misses Team Bus But leads South Africa to Thrilling Win by Career Best All Rounder Performance SA vs PAK
PAK vs SA: आधी टीम बस चुकली, नंतर पोलिसांच्या गाडीतून पोहोचला मैदानात अन् पाकिस्तानला नमवत जिंकला सामनावीराचा पुरस्कार
Shaheen Shah Afridi becomes youngest bowler to complete 100 wickets in all 3 formats
Shaheen Afridi: शाहीन शाह आफ्रिदीचा मोठा पराक्रम, क्रिकेटच्या तिन्ही फॉरमॅटमध्ये ‘ही’ कामगिरी करणारा सर्वात तरूण गोलंदाज

हेही वाचा – IND vs NZ: भारतीय संघाने घडवला इतिहास, १४७ वर्षांच्या कसोटी इतिहासात ‘ही’ कामगिरी करणारा ठरला पहिला संघ

ऋषभ पंतने या डावात कसोटी क्रिकेटमध्ये २५०० धावाही पूर्ण केल्या. विशेष म्हणजे तो भारतासाठी सर्वात जलद २५०० कसोटी धावा करणारा यष्टीरक्षक फलंदाज बनला आहे. त्याने ६२ डावात ही कामगिरी केली असून एमएस धोनीला मागे टाकले आहे. धोनीने ६९ डावांमध्ये २५०० कसोटी धावा पूर्ण केल्या होत्या. याआधी ऋषभ पंतने भारतासाठी सर्वात वेगवान ५०० कसोटी धावा, १००० कसोटी धावा, १५०० कसोटी धावा आणि २००० कसोटी धावांचाही विक्रम केला आहे.

हेही वाचा – IND vs PAK: भारत-पाकिस्तानमध्ये आज होणार हायव्होल्टेज लढत, जाणून घ्या कधी आणि कुठे पाहता येणार लाइव्ह?

सर्वात जलद २५०० कसोटी धावा करणारे फलंदाज (डावांच्या दृष्टीने)

६२ डाव – ऋषभ पंत<br>६९ डाव – एमएस धोनी
८२ डाव – फारूख इंजिनीयर

हेही वाचा – Sarfaraz Khan Maiden Century: कष्टाचं चीज झालं! सर्फराझ खानने झळकावलं पहिलं कसोटी शतक, खास सेलिब्रेशनचा VIDEO होतोय व्हायरल

ऋषभ पंतने दिग्गज क्रिकेटर फारूख इंजिनीयरलाही टाकलं मागे

ऋषभ पंतने भारतासाठी यष्टीरक्षक फलंदाज म्हणून सर्वाधिक ५० अधिक धावा करण्याच्या बाबतीत फारुख इंजिनियरची बरोबरी केली आहे. फारुख इंजिनिअरनेही आपल्या कसोटी कारकिर्दीत १८ वेळा ५० अधिक धावा केल्या. फारूख इंजिनीयर यांनी ही कामगिरी ८७ डावांमध्ये केली तर तरी पंतने केवळ ६२ डावांत हा पराक्रम केला आहे. याशिवाय, एमएस धोनी ३९ वेळा ५० अधिक धावा करत या यादीत आघाडीवर आहे.

कसोटीत भारतीय यष्टिरक्षकांमध्ये सर्वाधिक ५० पेक्षा जास्त धावा

३९ – एमएस धोनी (१४४ डाव)
१८ – फारोख अभियंता (८७ डाव)
१८ – ऋषभ पंत (६२ डाव)
14 – सय्यद किरमाणी (124 डाव)

Story img Loader