Rishabh Pant Record Breaking Fifty in Sydney Test: भारत-ऑस्ट्रेलिया सिडनी कसोटीत ऋषभ पंतचा जलवा पाहायला मिळाला. ऋषभ पंतने पहिल्याच चेंडूपासून आक्रमक खेळी करत ऑस्ट्रेलियाच्या गोलंदाजांची शाळा घेतली. दुसऱ्या दिवशी दुसऱ्या डावात ऋषभ पंतची तुफानी फलंदाजी पुन्हा एकदा पाहायला मिळाली. पहिल्या चेंडूवर येताच पंतने स्कॉट बोलँडला षटकार ठोकला. यानंतरही पंत इथेच थांबला नाही, त्याने प्रत्येक ऑस्ट्रेलियन गोलंदाजाला चोप दिला. दुसऱ्या डावात पंतने अवघ्या २९ चेंडूत आपले अर्धशतक पूर्ण केले. या अर्धशतकासह त्याने नवा विक्रम रचला आहे.
सिडनी कसोटीच्या दुसऱ्या डावात ऋषभ पंतने वादळी फलंदाजी करत अवघ्या २९ चेंडूत अर्धशतक झळकावले. आता पंत ऑस्ट्रेलियात सर्वात जलद कसोटी अर्धशतक करणारा प्रतिस्पर्धी संघाचा पहिलाच फलंदाज ठरला आहे. यापूर्वी हा विक्रम इंग्लंडच्या जॉन ब्राउन आणि वेस्ट इंडिजच्या रॉय फ्रेडरिक्स यांच्या नावावर होता, ज्यांनी ऑस्ट्रेलियाच्या भूमीवर कसोटी क्रिकेटमध्ये ३३ चेंडूत अर्धशतक ठोकले होते. पण आता ऋषभ पंतने आता यांना मागे टाकलं आहे.
ऋषभ पंत फलंदाजीसाठी क्रीझवर आला तेव्हा टीम इंडियाने ७८ धावांवर ४ विकेट गमावल्या होत्या. यानंतर ऋषभ पंतने दमदार फटकेबाजी करत ऑस्ट्रेलियाच्या प्रत्येक गोलंदाजाची धुलाई केली. या सामन्यात ऋषभ पंतने ३३ चेंडूत ६ चौकार आणि ४ षटकारांच्या मदतीने ६१ धावांची खेळी केली आहे. कसोटी क्रिकेटच्या इतिहासात भारताकडून हे दुसरे सर्वात जलद अर्धशतक आहे. याआधी पंतने २०२२ मध्ये श्रीलंकेविरुद्ध २८ चेंडूत अर्धशतक झळकावले होते. जे भारताच्या फलंदाजाने झळकावलेले सर्वात जलद अर्धशतक आहे.
ऋषभ पंतचं कसोटी क्रिकेटमधील हे दुसरे सर्वात जलद अर्धशतक आहे. याआधी २०२२ मध्ये पंतने श्रीलंकेविरुद्ध कसोटी क्रिकेटमध्ये केवळ २८ चेंडूत अर्धशतक झळकावले होते. कसोटी क्रिकेटमध्ये सर्वात जलद अर्धशतक झळकावणारा पंत हा पहिला भारतीय फलंदाज आहे. याशिवाय यशस्वी जैस्वाल आणि शार्दुल ठाकूर यांनी कसोटी क्रिकेटमध्ये ३१ चेंडूत अर्धशतकं झळकावली आहेत. १९८२ मध्ये टीम इंडियाचे माजी दिग्गज कर्णधार कपिल देव यांनी भारतासाठी पहिल्यांदाच सर्वात वेगवान अर्धशतक झळकावण्याचा पराक्रम केला होता. कपिल देव यांनी पाकिस्तानविरुद्ध ३० चेंडूत अर्धशतक झळकावले होते.
हेही वाचा – IND vs AUS : प्रसिध कृष्णाचं जबरदस्त कमबॅक! ॲलेक्स कॅरीचा उडवला त्रिफळा, VIDEO होतोय व्हायरल
ग
कसोटी क्रिकेटमध्ये सर्वात जलद अर्धशतक करणारे फलंदाज
२८ चेंडू – ऋषभ पंत वि श्रीलंका (बंगळुरू २०२२)
२९ चेंडू – ऋषभ पंत वि ऑस्ट्रेलिया (सिडनी २०२५)
३० चेंडू – कपिल देव वि पाकिस्तान (कराची १९८२)
३१ चेंडू – शार्दुल ठाकूर वि इंग्लंड (ओव्हल २०१९)
३१ चेंडू – यशस्वी जैस्वाल वि बांगलादेश (कानपूर २०२४)
