IND vs AUS : उस्मान ख्वाजा नंतर पॅट कमिन्स; ऋषभ पंतचं यष्टींमागून स्लेजिंग सुरुच

दरम्यान या कसोटी सामन्यात ऋषभ पंतने यष्टींमागे सर्वाधीक झेल टिपण्याच्या विक्रमाशी बरोबरी केली. या सामन्यात पंतने यष्टीमागे ११ खेळाडूंचे झेल टिपले आहेत. अशी कामगिरी आतापर्यंत एकाही भारतीय यष्टीरक्षकाला करता आलेली नाही. यापूर्वी १० झेलसह साहा प्रथम क्रमांकावर होता. साहाने यष्टीरक्षक म्हणून याचवर्षी केपटाउन कसोटीमध्ये दक्षिण आफ्रिकेविरुद्ध एकाच कसोटी सामन्यात १० झेल घेण्याची कामगिरी केली होती. तर ९ झेलसह धोनी दुसऱ्या स्थानावर होता. मात्र, पंतने या कसोटी सामन्यात ११ झेल घेत हा विक्रम आपल्या नावे केला आहे. पंतने धोनी-साहाला मागे टाकण्याबरोबरच डिव्हिलियर्सच्या विक्रमाची बरोबरी केली आहे. डिव्हिलियर्सने २०१३ मध्ये पाकिस्तान विरोधात एका कसोटी सामन्यात ११ झेल घेतले होते