Rishabh Pant Health: ऋषभ पंतला डेहराडूनहून एअरलिफ्ट केल्यानंतर मुंबईतील कोकिलाबेन रुग्णालयात दाखल करण्यात आले आहे. त्याच्या गुडघ्यातील दोन लिगामेंट फाटले आहेत. ऋषभ पंतची दुखापत किती गंभीर आहे आणि तो किती दिवसात मैदानात परतू शकतो, याबाबत बीसीसीआयकडून कोणतीही अधिकृत माहिती दिलेली नाही. पण वेगवेगळ्या मीडिया रिपोर्ट्सचा हवाला देत पंतला मैदानात परतण्यासाठी एक वर्ष लागण्याची शक्यता आहे. असे झाल्यास या वर्षाच्या अखेरीस होणाऱ्या आयसीसी वनडे वर्ल्डमध्येही खेळू शकणार नाही.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मुंबईतील कोकिलाबेन हॉस्पिटलमधील स्पोर्ट्स ऑर्थोपेडिक्सचे संचालक डॉ. दिनशॉ पार्डीवाला यांच्या नेतृत्वाखालील डॉक्टरांच्या पथकाने गुरुवारी सकाळी पंतची तपासणी केली. सूत्रांनी इनसाइडस्पोर्टला सांगितले की खेळाडूची सूज कमी होईपर्यंत एमआरआय किंवा शस्त्रक्रिया केली जाईल असे त्यांना वाटत नाही. रूग्णालयातील डॉक्टरांचे मत आहे की, पंतच्या अस्थिबंधनाला गंभीर झीज झाली आहे. त्यामुळे पूर्णपणे बरे होण्यासाठी ८-९ महिने लागतील.

आणखी वाचा

तत्पूर्वी, इनसाइडस्पोर्टने बीसीसीआयच्या अधिकाऱ्यांशीही चर्चा केली होती, परंतु यावेळी बोर्डाने पंतबद्दल काहीही बोलले नाही. आयपीएलचे अध्यक्ष अरुण धुमल यांनी गुरुवारी संध्याकाळी इनसाइडस्पोर्टला सांगितले की, “आम्ही ऋषभ पंतची सर्व प्रकारे काळजी घेऊ. पण या टप्प्यावर त्याच्या दुखापतीबद्दल कोणतीही टिप्पणी शुद्ध अटकळ असेल. डॉक्टरांना त्यांची संपूर्ण प्रक्रिया आणि निरीक्षण करू द्या. तोपर्यंत आम्ही त्याच्या दुखापतीबद्दल कोणतेही विधान करू शकतो.”

हेही वाचा – Asia Cup 2023: पीसीबीचे प्रमुख नजम सेठींची जय शाहांवर बोचरी टीका; म्हणाले, ‘ते पीएसएलचे वेळापत्रकही जाहीर …’

बीसीसीआयच्या एका वरिष्ठ अधिकाऱ्याने देखील इनसाइडस्पोर्टला सांगितले की, “ऋषभला लवकर बरे होण्यासाठी आणि योग्य लक्ष देण्यासाठी मुंबईत आणण्यात आले. त्याला विश्रांतीची गरज आहे आणि डेहराडूनमध्ये ते शक्य नव्हते. इथे त्याला कडेकोट बंदोबस्त ठेवण्यात येणार आहे. त्याला कुटुंबातील सदस्यच त्याला भेटू शकतील. तो त्याच्या दुखापतीतून बरा होताच, डॉक्टर त्याच्या अस्थिबंधनाच्या दुखापतीवर कारवाईचा मार्ग ठरवतील.”

एका अधिकाऱ्याने इनसाइडस्पोर्टला असेही सांगितले की, “ डॉक्टरांना वाटते की तो प्रवासासाठी योग्य आहे, तेव्हा त्याला शस्त्रक्रियेसाठी लंडनला नेण्यात येईल. त्याला बरे होण्यासाठी अजून किती वेळ लागेल हे आम्हाला माहीत नाही. सूज कमी झाल्यावर, डॉ पारडीवाला आणि त्यांची टीम उपचाराचा मार्ग ठरवतील. परिस्थिती कायम असल्याने ऋषभला गुडघा आणि घोट्यावर शस्त्रक्रिया करावी लागणार आहे. त्यामुळे तो नऊ महिन्यांसाठी बाहेर राहू शकतो.”

हेही वाचा – Virushka Vrindavan Tour: विराट कोहली आणि अनुष्का शर्माने केला वृंदावन दौरा; मुलगी वामिकासह व्हिडिओ होतोय व्हायरल

गुडघ्याच्या अस्थिबंधनाच्या शस्त्रक्रियेला साधारणपणे ६ महिने लागतात. पण मुद्दा असा आहे की पंत हा यष्टिरक्षक आहे आणि त्याला क्रिकेटमध्ये परत येण्यापूर्वी त्याचा गुडघा आणखी मजबूत करणे आवश्यक आहे. बाकी, डॉक्टर पंतची नीट तपासणी करतील, त्यानंतरच तो कधीपर्यंत बरा होईल, हे सांगता येईल.

ऋषभ पंत या मालिकेत खेळणार नाही –

भारत विरुद्ध न्यूझीलंड (३ वनडे, ३ टी२०) – जानेवारी-फेब्रुवारी
भारत विरुद्ध ऑस्ट्रेलिया (४ कसोटी आणि ३ एकदिवसीय) – फेब्रुवारी-मार्च
आयपीएल २०२३ (एप्रिल-मे)
वर्ल्ड टेस्ट चॅम्पियनशिप फायनल (जर भारत पात्र ठरला) – जून
भारताचा वेस्ट इंडिज दौरा – जुलै
आशिया कप २०२३ – सप्टेंबर
आयसीसी एकदिवसीय विश्वचषक – ऑक्टोबर/नोव्हेंबर