रॉजर अजूनही खेळतोय!, ११ वर्षांनी कोमातून बाहेर आलेला जीजस आश्चर्यचकीत

रॉजर आता निवृत्त झाला असेल असे मला वाटले. पण तो अजूनही टेनिस खेळत असून जागतिक क्रमवारीत दुसऱया स्थानी असल्याचे मला सांगण्यात आले तेव्हा माझी थट्टा केली जातेय असे वाटले. मात्र, हे खरे असून त्याच्या नावावर आता १७ ग्रँड स्लॅम विजेतेपदांची नोंद असल्याचे कळाले आणि मला  धक्काच बसला, असे जीसस म्हणाला.

००४ साली रॉजरने आपले चौथे ग्रँड स्लॅम विजेतेपद पटावले होते. त्यावेळी जीजसने काहीही करून रॉजरला भेटण्याचे ठरविले होते. मात्र, २००४ साली आपल्या मित्रांसोबत स्वत:चा १८ वा वाढदिवस साजरा करीत असताना झालेल्या कार अपघातानंतर जीजस कोमात गेला. त्यानंतर ११ वर्षांनी ऑगस्ट २०१५ मध्ये जीजस कोमातून बाहेर आला. पण आजही त्याचा टेनिस ‘हिरो’ टेनिसकोर्टवर तग धरून १८ व्या ग्रँड स्लॅमसाठी मेहनत करतोय, हे पाहून जीजसला आनंद झाला.

यंदाच्या अमेरिकन ओपनच्या अंतिम फेरीत रॉजरला खेळाताना पाहून जीजस सुखावला. नोवाक चांगला खेळतो पण रॉजर वयाच्या ३४ व्या वर्षही  तितक्याच प्रभावीपणे खेळतोय हे पाहून मन भरून आल्याचे जीजस म्हणतो. त्याला निवृत्त होण्यापूर्वी खेळताना पाहण्याची इच्छा पूर्ण झाल्याचा आनंद असल्याचेही तो पुढे म्हणाला.